2 years ago
March 9, 2022
काठमाडौं (हाम्रो खेलकुद) – सामाखुशी इंग्लिस बोर्डिङ स्कुल (सेव) र माउन्ट ग्लोरी समूह विजेता बन्दै स्कुल न्यु एरा कप अन्तर विद्यालय फुटसल प्रतियोगिताको प्रि–क्वाटरफाइनलमा प्रवेश गरेको छ । सेव समूह ‘एफ’ बाट तथा माउन्ट ग्लोरी समूह ‘डी’ को विजेता बन्दै अन्तिम १६ मा पुग्न सफल भएको हो । मनमैजुस्थित एन्जल्स स्पोर्ट्स एकेडेमीको फुटसल कोर्टमा बुधबार […]
काठमाडौं (हाम्रो खेलकुद) – सामाखुशी इंग्लिस बोर्डिङ स्कुल (सेव) र माउन्ट ग्लोरी समूह विजेता बन्दै स्कुल न्यु एरा कप अन्तर विद्यालय फुटसल प्रतियोगिताको प्रि–क्वाटरफाइनलमा प्रवेश गरेको छ । सेव समूह ‘एफ’ बाट तथा माउन्ट ग्लोरी समूह ‘डी’ को विजेता बन्दै अन्तिम १६ मा पुग्न सफल भएको हो ।
मनमैजुस्थित एन्जल्स स्पोर्ट्स एकेडेमीको फुटसल कोर्टमा बुधबार भएको खेलमा सेवले समूह चरणमा स्वस्तिश्री गुरुकुललाई २–१ को गोल अन्तरले तथा अर्काे खेलमा मनास्लु इंग्लिस बोर्डिङ स्कुलमाथि ५–० को फराकिलो जित निकाल्दै समूह विजेता बन्यो ।
यो समूहबाट स्वस्तिश्री उपविजेता बन्दै अन्तिम १६ मा पुग्न सफल भयो । स्वस्तिश्रीले मनास्लुमाथि ३–० को सहज जित निकालेको थियो । दुवै खेलमा हार भोगेको मनास्लु समूह चरणबाटै बाहिरियो ।
समूह ‘डी को खेलमा माउन्ट ग्लोरीले काठमाडौं लिंकनलाई ५–१ ले तथा अर्काे खेलमा पृथ्वी बोर्डिङ स्कुललाई ३–० ले हरायो । यो समूहबाट काठमाडौं लिंकन उपविजेता बन्दै नकआउट चरणमा पुग्न सफल भयो । काठमाडौंले पृथ्वीलाई २–१ ले हराउन सफल भएको थियो । अंकविहीन हुदै पृथ्वी समूह चरणबाट बाहिरियो ।
यस्तै समूह ‘ए’ बाट प्रगति बोर्डिङ स्कुल समूह विजेता र एन्जल्स हार्ट सेकेन्डरी स्कुल उपविजेता बन्दै नकआउट चरणमा पुग्न सफल भएको छ । प्रगतिले आयोजक न्यु एरा ‘ए’ लाई ३–० ले तथा एन्जल्स हार्टलाई २–१ ले हरायो । उपविजेता बनेको एन्जल्स हार्टले आयोजक न्यू एरालाई २–० ले हरायो । समूह ‘सी’ बाट सेक्रेट हार्ट र विभुतीले अन्तिम १६ मा स्थान बनाउन सफल भयो ।
यो समूहमा तीनै टोलीको समान ३ अंक भएपनि गोलअन्तरमा चिल्ड्रेन हेराल्ड बाहिरिएको आयोजकले जनाएको छ । सेक्रेट हार्टले चिल्ड्रेनलाई ४–० ले हराउँदा विभुतिले सेक्रेटलाई १–० ले तथा चिल्ड्रेनले विभुतिलाई २–१ ले हराएको थियो ।
तारकेश्वर नगरपालिका ८ हिलेडोलमा रहेको न्यु इरा एकेडेमीको आयोजनामा भइरहेको प्रतियोगितामा विभिन्न २५ स्कुलको सहभागिता रहेको छ । प्रतियोगिता शुक्रबारसम्म चल्नेछ । बिहीबार लिग चरणका अन्तिम खेल र शुक्रबार फाइनल चरणको खेल हुने आयोजकले जनाएको छ ।
April 28, 2024
एजेन्सी – जारी इंडियन प्रिमियर लिग (आईपिएल) को शीर्ष स्थानमा रहेको राजस्थान रोयल्सले अंकदूरी बढाएको छ । नवौं खेलमा आठौ जित दर्ता गर्ने क्रममा राजस्थानले लखनऊ सुपर जाएन्ट्स माथि ७ विकेटको सहज जित दर्ता गरेको हो । लखनऊले दिएको १९७ रनको लक्ष्य पछ्याएको राजस्थानले ६ बल बाँकी छँदै लक्ष्य ३ विकेट मात्र गुमाएर भेटायो । […]
April 27, 2024
एजेन्सी – इंग्लिश प्रिमियर लिग उपाधि दावेदार मानिएको लिभरपुल लाई उपाधि आकांक्षामा अर्को धक्का लागेको छ । पछिल्लो समय खराब लयमा रहेको लिभरपुल आज भएको खेलमा वेस्ट ह्याम विरुद्ध २-२ को बराबरीमा रोकिएको हो । पछि परेको अवस्था उल्ट्याउँदै अग्रता लिएको लिभरपुल अन्तिममा भने बराबरीमा रोकियो । ४३औं मिनेटमा जेरड बावेनले मोहम्मद कुडुसको क्रसमा हेडर […]
April 27, 2024
काठमाडौं (हाम्रो खेलकुद) – च्याम्पियन नेपाल एपिएफ क्लबकी स्पाइकर निरुता ठगुन्ना सातौं केएनपी नेरोलेक राष्ट्रिय महिला भलिबल प्रतियोगिताको सर्वाेत्कृष्ट खेलाडी घोषित भएकी छिन् । एपिएफलाई अपराजित रहेर च्याम्पियन बनाउन निरुताले सबै खेलमा सानदार प्रदर्शन गरेकी थिइन् । सर्वाेत्कृष्ट बनेसँगै निरुताले ५० हजार रुपैयाँसँगै ट्रफी प्राप्त गरेकी छिन् । व्यक्तिगत विधामा पनि च्याम्पियन एपिएफकै खेलाडीको वर्चश्व […]