दिपेश तिमल्सिना (काठमाडौं)- इन्टरनेटको पहुच हिजआज सरल भएको छ । कम्प्युटरमा मात्र होइन मोबाइल टेलिभिजनमा समेत इन्टरनेट चलाउन सहज भैसकेको छ । इन्टरनेटमा खेलाडी र कलाकारका बारेमा बढी खोजी हुने गर्छ । नेपाली खेलप्रेमी पनि यसबाट अछुतो छैनन् । आफुलाई मन पर्ने खेलाडीका बारेमा गुगलमा खोज्ने गर्दछन् । हेरौ गुगलमा सर्वाधिक खोजी हुने ५ नेपाली खेलाडी कोको हुन् ?
१) गौरिका सिंह: नेपाललाई दक्षिण एसियाली खेलकुद (साग) मा व्यक्तिगत स्पर्धामा पदक जिताउने पहिलो खेलाडी गौरिका इन्टरनेटमा सर्वाधिक खोजिने नेपाली खेलाडी हुन् । उनको खोजी अगस्त महिनामा मात्र २ लाख १ हजार पटक गरिएको थियो । रियो ओलम्पिककी सबैभन्दा कान्छी खेलाडी गौरिका औसतमा मासिक १८ हजार १ सय पटक खोजिएकी थिइन् ।
२) बिमल घर्तीमगर: नेपाली राष्ट्रिय टोलीका युवा र स्ट्राइकर बिमल घर्तीमगर औसतमा एक महिनामा २४ सय पटक खोजिन्छन् । पछिल्लो एक बर्षमा उनी सबैभन्दा बढी गुगलमा खोजिने दोस्रो नेपाली खेलाडी हुन् । पछिल्लो मे महिनामा उनी सबैभन्दा बढी १२ हजार १ सय पटक खोजीमा परेका थिए ।
३) पारस खड्का: नेपाली क्रिकेटमा पछिल्लो एकदशक सबैभन्दा चर्चामा रहेका खेलाडी हुन्, पारस । नेपाली राष्ट्रिय क्रिकेट टोलीका कप्तान पारस औसतमा मासिक १६ सय पटक खोजिन्छन् । पछिल्लो एक बर्षमा अप्रिल महिनामा मात्र उनी २९ सय पटक खोजिएका थिए ।
४) सिपोरा गुरुङ: कलाकार समेत रहेकी भलिबल सुन्दरी सिपोरामा चासो नखाख्ने कमै खेलप्रेमी होलान् । सानै उमेरमा नेपालका लागि साग खेलेकी सिपोरालाई गुगलमा मासिक औसत ७ सय २० पटक खोजिन्छन् । मे महिनामा उनी सबैभन्दा बढी १३ सय पटक खोजिइन् ।
५) नवयुग श्रेष्ठ: नेपालले फुटबलमा पछिल्लो एक बर्षमा नेपालाई तीन उपाधि दिलाउन महत्वपूर्ण योगदान गरेका नवयुग औसतमा मासिक ७सय २० पटक खोजिएका थिए । पछिल्लो एक बर्षमा उनि सबैभन्दा धेरै फेब्रुअरी महिनामा ४ हजार ४ सय पटक खोजिमा परे ।
रिर्पोट- अक्टोबर २०१५ देखि अक्टोबर २०१६ सम्म
