2 years ago
April 29, 2022
काठमाडौं (हाम्रो खेलकुद) – नेपाल एथलेटिक्स संघले आसन्न १९औं एसियन गेम्स (एसियाड) का लागि प्रारम्भिक चरणमा २० खेलाडीलाई बन्द प्रशिक्षणका लागि छनोट गरेको छ । त्रिपुरेश्वरस्थित दशरथ रंगशालाको ट्रयाकमा बिहीबार र शुक्रबार भएको छनोटबाट पाँच स्पर्धाका लागि २० खेलाडी छनोट गरिएको संघका सचिव आरके विष्टले जानकारी गराए । ८०० र १५ सय मिटर दौडमा पुरुषमात्र […]
काठमाडौं (हाम्रो खेलकुद) – नेपाल एथलेटिक्स संघले आसन्न १९औं एसियन गेम्स (एसियाड) का लागि प्रारम्भिक चरणमा २० खेलाडीलाई बन्द प्रशिक्षणका लागि छनोट गरेको छ ।
त्रिपुरेश्वरस्थित दशरथ रंगशालाको ट्रयाकमा बिहीबार र शुक्रबार भएको छनोटबाट पाँच स्पर्धाका लागि २० खेलाडी छनोट गरिएको संघका सचिव आरके विष्टले जानकारी गराए ।
८०० र १५ सय मिटर दौडमा पुरुषमात्र तथा ५ हजार, १० हजार मिटर र म्याराथनमा पुरुष र महिला दुवैको छनोट प्रतिस्पर्धा गरिएको थियो । ८०० र १५ सय मिटर दौडका लागि ५ जना खेलाडी छनोट गरिएको छ । यसमा एसियन युथ च्याम्पियन अजितकुमार यादवसहित कीर्तिमानी सोम बहादुर कुमाल, सुनिल सुनुवार, तेजबहादुर कार्की र सन्जीव नेपाली छनोट भएका छन् ।
५ हजार मिटरमा मुकेश पाल, गजेन्द्र राई र नागेश्वर अहिर छनोट भएका छन् । १० हजार र ५ हजार मिटर गरी दुवै स्पर्धाका लागि पुरुषतर्फ गोपीचन्द्र पार्की र दीपक अधिकारी तथा महिलातर्फ सन्तोषी श्रेष्ठ, राजपूरा पछाई र फूलमती राना छानिएका छन् ।
म्याराथनतर्फ ४ पुरुष र तीन महिला गरी ७ खेलाडी छनोट भएका छन् । पुरुषतर्फ कृष्णबहादुर बस्नेत, खडकबहादुर खड्का, नरेन्द्र रावत र होमलाल श्रेष्ठ तथा महिलातर्फ ढाका म्याराथनकी स्वर्ण विजेता पुष्पा भण्डारी, विन्द्रा धानके श्रेष्ठ र रेखा विष्ट छनोट भएका छन् । नवौं राष्ट्रिय खेलकुद नै एसियाडको अन्तिम छनोट हुने सचिव विष्टले बताए ।
‘हामीलाई कति इभेन्ट्समा प्रतिस्पर्धा गर्ने भनेर जानकारी आइसकेको छैन । सम्भावित इभेन्ट्सलाई मध्यनजर गरेर नै छनोट प्रतियोगिता गर्दै बन्द प्रशिक्षणका लागि हामीले प्रारम्भिक चरणमा २० खेलाडी छनोट गरेका हौं ।’ सचिव विष्टले भने, ‘एक इभेन्ट्समा एक अथवा दुई जना हुनसक्छ । अहिले बन्द प्रशिक्षणमा लागि मात्रै छनोट गरेका हौं । अब नवौंमा यसमा छनोट नभएकाले राम्रो नतिजा निकाल्ने पनि छनोट हुन सक्छ । नवौंपछि सबै फाइनल हुनेछ ।’
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]