default_image

2 years ago

April 30, 2022

गणेशमान १० के रोड रेसमा गोपीको ह्याट्रिक

काठमाडौं (हाम्रो खेलकुद) – १३औं सागका स्वर्णधारी विभागीय नेपाल एपिएफ क्लबका धावक गोपीचन्द्र पार्कीले वीर गणेशमान सिंह स्मृति १० के रोड रेसमा ह्याट्रिक उपाधि जित्न सफल भएका छन् । गोपी पहिलोदेखि तेस्रो संस्करणसम्म लगातार च्याम्पियन बन्दै ह्याट्रिक उपाधि जित्न सफल भएका हुन् । शनिबार भएको तेस्रो संस्करणमा पनि गोपीले दोस्रो भएका आर्मीका दीपक अधिकारीलाई चार […]

177 views

0 Bookmark

काठमाडौं (हाम्रो खेलकुद) –३औं सागका स्वर्णधारी विभागीय नेपाल एपिएफ क्लबका धावक गोपीचन्द्र पार्कीले वीर गणेशमान सिंह स्मृति १० के रोड रेसमा ह्याट्रिक उपाधि जित्न सफल भएका छन् ।

गोपी पहिलोदेखि तेस्रो संस्करणसम्म लगातार च्याम्पियन बन्दै ह्याट्रिक उपाधि जित्न सफल भएका हुन् । शनिबार भएको तेस्रो संस्करणमा पनि गोपीले दोस्रो भएका आर्मीका दीपक अधिकारीलाई चार सेकेण्डले पछि पार्दै लगातार च्याम्पियन बन्न सफल भएको हो । शनिबार गोपीले निर्धारित १० किलोमिटर ३१ मिनेट ११.४ सेकेण्डमा पूरा गरेका थिए ।

गोपीले गणेशमान १० के रोड रेसमा ह्याट्रिक उपाधि जित्ने क्रममा आफ्नो टाइमिङलाई अझै सुधार गरेका छन् । पहिलो संस्करणमा ३२ मिनेट ४४.४९ सेकेण्डसहित च्याम्पियन बनेका गोपीले दोस्रो संस्करणमा ३२ मिनेट ०१.२ सेकेण्डमा दुरी पार गरेका थिए । यसपटक गोपीले ३१ मिनेट ११.४ सेकेण्डमा पूरा गरे ।

गत वर्ष टोकियो ओलम्पिकको लागि छनोट भएपनि नेपाल एथलेटिक्स संघ र नेपाल ओलम्पिक कमिटिबीच समन्वय नहुँदा उनी ओलम्पिक खेल्नबाट वञ्चित भएका थिए । पछि उनलाई बर्लिन म्याराथनमा पठाइएको थियो । टोकियो ओलम्पिक २०२० मा नाटकीय ढंगले सहभागिताबाट वन्ञ्ति भएका धावक गोपीलाई चन्द्र पार्कीले विश्व प्रसिद्ध बर्लिन म्याराथनमा सहभागिता गराइएको थियो । तर, उनको प्रदर्शन कमजोर बनेको थियो । त्यसपछि आर्मी म्याराथनमा सहभागिता जनाएका उनी ११औं स्थानमा आएका थिए ।

यो रोड रेससँगै उनले वर्ष २०७८ मा दुई म्याराथन, दुई हाफ म्याराथन र दुई १० के गरी ६ प्रतियोगिता खेल्दा तीनमा उपाधि तथा एकमा तेस्रो भएका थिए । म्याराथनमा उपाधि विहीनन बनेका उनले १० के रोड रेससँगै १९औं एसियन गेम्स (एसियाड) का लागि भएको छनोटमा पहिलो भएका थिए ।

धनगढीमा भएको हाफ म्याराथनमा पहिलो भएका उनी काठमाडौंमा भएको रन फर प्रोटिन हाफ म्याराथनमा तेस्रो भएका थिए । १० किमि रोड रेसको विजेता बनेका गोपीचन्द्रले ६० हजार रुपैया प्राप्त गरे । रोड रेसमा नयाँ कीर्तिमान बनाएवापत गोपीले थप १० हजार रुपैया प्राप्त गरे ।

१० केमा दोस्रो भएका आर्मीका दीपक अधिकारीले ३१ मिनेट १५.२ सेकेण्डमा दुरी पुरा गरे । आर्मीकै राजन रोकायाले ३१ मिनेट २०.४ सेकेण्डमा दुरी पार गर्दै तेस्रो भए । अनिष थापा मगर र गजेन्द्र राई चौथो र पाँचौ भए ।

महिलातर्फ राजपुराले निर्धारित दुरी ३७ मिनेट १०.५ सेकेण्डमा पुरा गर्दै पहिलो हुन सफल भइन् । दोस्रो भएकी पुष्पाले ३८ मिनेट ०४.३ सेकेण्ड तथा तेस्रो भएकी वृन्द्रा धनके श्रेष्ठले ४० मिनेट २८.९५ सेकेण्डमा दुरी पुरा गरिन् । कल्पना खड्का र सीमा चौधरी चौथो र पाँचौं भइन् ।

१० किमि रोड रेसको विजेता गोपीचन्द्र र राजपुराले समान ६० हजार रुपैया र शिल्ड पाए । दोस्रो भएका दीपक र पुष्पाले ३० हजार, तेस्रो भएका राजन र वृन्द्रा धनके श्रेष्ठले १५ हजार र चौथो भएका अनिष र कल्पनाले १० हजार तथा पाँचौ भएका गजेन्द्र र सीमा चौधरीले जनही ५–५ हजार नगद पाए ।

५ किमितर्फ पुरुषमा विभागीय त्रिभुवन आर्मी क्लबका मुकेश पाल र महिलामा एपिएफकी फुलमती राना पहिलो भइन् । मुकेशले निर्धारित दुरी १४ मिनेट ३३.९ सेकेण्डमा पुरा गरिन् । सन्तोष विक्रम विष्टले १४ मिनेट ५९.९ सेकेण्डसहित दोस्रो भए । १५ मिनेट ११.१ सेकेण्डमा दुरी पुरा गर्दै सुवास कार्की तेस्रो भए । सन्जय श्रेष्ठ, किरण महर्जन, मिलन कार्की, रमेश डंगोल, दिनेश बोगटी, सन्जीव नेपाली र हरि कुमार रिमाल क्रमश चौथो देखि १०औं भए ।

फुलमती रानाले १७ मिनेट ४२.४ सेकेन्डमा दुरी पार गर्दै पहिलो भइन् । निर्मला केसीले १८ मिनेट १५.४ सेकेण्डमा दुरी पुरा गर्दै दोस्रो तथा उषा श्रेष्ठ १८ मिनेट २४ सेकेन्डसहित तेस्रो भइन् । राधिका श्रेष्ठ र सरस्वती बोहोरा चौथो र पाँचौ भइन् ।

५ किमितर्फको पुरुष तथा महिला विजेता मुकेश र फुलमतीले समान १५ हजÞार रुपैया हात पारे । दोस्रो भएका सन्तोष र निर्मलाले १० हजार, तेश्रो भएका सुवास र उषाले ७ हजार, चौथो भएका सन्जय र राधिकाले ५ हजार तथा पाँचौ भएका किरण र सरस्वतीले समान ३ हजÞार प्राप्त गरे । छैटौं देखि १०औं स्थानसम्म प्राप्त गर्नेले गिफ्ट ह्याम्पर पाए ।

नेपालको प्रजातान्त्रिक आन्दोलनका युग पुरुष गणेशमान सिहको स्मृतिमा बीर गणेशमान सिंह स्पोर्ट्स कमिटीले आयोजना गरेको रोड रेसमा ४११ जना धावकको सहभागिता रहेको थियो ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.