काठमाडौं (हाम्रो खेलकुद) – नेपाल गल्फर एसोसियनको आयोजनामा हुने सुर्य नेपाल प्रिमियर गल्फ च्याम्पियनसिप सोमबारदेखि गोकर्ण गल्फ क्लबमा सुरु हुने भएको छ ।
आयोजकले शुक्रबार राजधानीमा पत्रकार सम्मेलन गर्दै च्याम्पियनसिप सोमबार सुरु हुने जानकारी गराएको छ । शुक्रबारसम्म हुने च्याम्पियनसिपमा ४० प्रोफेसनलसहित १२ एमेच्योर गल्फर खेलाडीले प्रतिस्पर्धा गर्नेछन् ।
भुवन नगरकोटी, जयराम श्रेष्ठ, शुक्रबहादुर राई र १३औं दक्षिण एसियाली खेलकुदको दोहोरो स्वर्ण पदक विजेता सुवास तामाङ प्रतियोगिताका प्रबल दावेदार हुन् । सद्भाव आचार्य, टाशी छिरिङ, वाङ्चेन धोन्डुप एमेच्योर ट्रफीको दावेदार हुन् ।
सुर्य नेपाल गल्फ टुर अन्तरगतको यो सिजनको अन्तिम प्रतियोतिा हो । विजेताले २ लाख ५० हजार प्राप्त गर्दा उपविजेताले १ लाख ५५ हजार पाउने छन् । यस्तै तेस्रोले १ लाख १० हजार, चौंथोले ९५ हजार र पाँचौंले ८७ हजार नगद पुरस्कार पाउने छन् । शीर्ष २१ मा पर्ने खेलाडीले समेत नगद पुरस्कार पाउनेछन् ।
