default_image

2 years ago

June 25, 2022

हर्डल्समा जयरानीको अर्को कीर्तिमान

काठमाडौं (हाम्रो खेलकुद) – विभागीय त्रिभुवन आर्मी क्लबकी जयरानी थारुले ४४औं राष्ट्रिय एथलेटिक्स प्रतियोगिताको दोश्रो दिन शनिबार अर्को नयाँ राष्ट्रिय कीर्तिमान बनाएकी छन् । जयरानीले महिला ४ सय मिटर हर्डल्स (बाधा दौड) १ मिनेट ०७.२ सेकेन्डमा दूरी पूरा गर्दै नयाँ राष्ट्रिय कीर्तिमान कायम गरेकी हुन् । जयरानीले छैटौं राष्ट्रिय खेलकुदमा एपीएफकी सविता चौधरीले बनाएको १ […]

209 views

0 Bookmark

काठमाडौं (हाम्रो खेलकुद) – विभागीय त्रिभुवन आर्मी क्लबकी जयरानी थारुले ४४औं राष्ट्रिय एथलेटिक्स प्रतियोगिताको दोश्रो दिन शनिबार अर्को नयाँ राष्ट्रिय कीर्तिमान बनाएकी छन् ।

जयरानीले महिला ४ सय मिटर हर्डल्स (बाधा दौड) १ मिनेट ०७.२ सेकेन्डमा दूरी पूरा गर्दै नयाँ राष्ट्रिय कीर्तिमान कायम गरेकी हुन् । जयरानीले छैटौं राष्ट्रिय खेलकुदमा एपीएफकी सविता चौधरीले बनाएको १ मिनेट ०७.७ सेकेन्डको कीर्तिमान भंग गरेकी हुन् ।

पहिलो दिन शुक्रबार जयरानीले १ सय मिटर हर्डल्समा १५.२० सेकेन्डको कीर्तिमान रचेकी थिइन् । यसअघि उक्त कीर्तिमान प्रमिला थारुको नाममा थियो । प्रमिलाको टाइमिङ १६.३८ सेकेन्ड थियो । शुक्रबारै आर्मीका जीवन थारुले पुरुष १ सय १० मिटर हर्डल्समा १४.९६ सेकेन्डको कीर्तिमान बनाएका थिए । उनले आफ्नै नाममा रहेको १५.६० सेकेन्डको कीर्तिमान सुधार गरेका थिए ।

४ सय मिटर हडल्समा आर्मीका राम प्रसाद थारुले ५५.९ सेकेन्डमा दुरी पार गर्दै पहिलो भए । आर्मीकै जीवन थारुले ५६.७ सेकेन्डसहित दोस्रो तथा मधेश प्रदेशका मुकेश ठाकुर ६५.१ सेकेन्डसहित तेस्रो भए ।

पुरुष ८ सय मिटरमा आर्मीका सोम बहादुर कुमालले स्वर्ण जिते । उनले निर्धारित दुरी १ मिनेट ५६.१५ सेकेन्डमा पुरा गरे । आर्मीकै सुनिल सुनारले १ मिनेट ५६.७२ सेकेन्डमा लुरी पार गर्दै रजत पदक जिते । पुलिसका तेज बहादुर कार्कीले १ मिनेट ५६.७९ सेकेन्डसहित तेस्रो भए ।

महिलातर्फ एपिएफकी फुलमती रानाले २ मिनेट १६.८ सेकेन्डसहित स्वर्ण जितिन् । कर्णाली प्रदेशकी राममाया बुढाले २ मिनेट २०.५ सेकेन्ड समय खर्चदै दोस्रो तथा आर्मीकी राधिका श्रेष्ठ २ मिनेट २७.७ सेकेन्डसहित तेस्रो भइन् ।

पुरुष लङजम्पमा एपिएफका सलिम दिवान पहिलो, एपिएफका शेर बहादुर विष्ट दोस्रो तथा लुम्विनी प्रदेशका सुदिप थारु तेस्रो भए । महिलामा आर्मीकी जयरानी थारु पहिलो, शिला चौधरी दोस्रो तथा पुलिसकी सिमा चौधरी तेस्रो भइन् ।

२ सय मिटर पुरुषमा एपिएफका शिवराज पार्की पहिलो, कर्णालीका डिल्ली भण्डारी दोस्रो तथा एपिएफका आशिष चौधरी तेस्रो भए । महिलामा आर्मीकी सरस्वती चौधरी पहिलो, एपिएफकी रमिता कुमारी थारु दोस्रो तथा लुजला अमात्य तेस्रो भइन् ।

ज्याभलिन थ्रो महिलामा पुलिसकी चन्द्रकला लामगाँदे पहिलो, आर्मीकी लक्ष्मी थारु दोस्रो तथा एपिएफकी सिमा थारु तेस्रो भइन् । पुरुषमा आर्मीका रोहित चौधरी पहिलो, सुदुरपश्चिमका रमेश पोख्रेल दोस्रो तथा लुम्विनी प्रदेशका सौरव थारु तेस्रो भए ।

४ वाई १ सय मिटर रिले पुरुष्मा एपिएफका शिवराज पार्की, युवराव विक, आशिष चौधरी र निर प्रताप महतोको टोली पहिलो भयो । आर्मीका जीवन थारु, शिव खड्का, विवश थारु र आनन्ददवेक चौधरीले टोली दोस्रो भयो । बागमती प्रदेशका गौरव मोक्तान, शंखर उप्रेती, भुवन महतो र सुदिप दराईको टोली तेस्रो भयो ।

महिलामा आर्मीकी सरस्वती चौधरी, रमिला थारु, जयरानी थारु र निर्मला थापाको टोली पहिलो भयो । एपिएफकी रमिता कुमारी थारु, भागरति कुमारी थारु, शिला चौधरी र सिमा चौधरीको टोली दोस्रो तथा बागमतीकी लुजला अमात्य, स्वागता खाइजु, रजिन दुलाल र प्रकृति सुवालको टोली तेस्रो भयो ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.