हाम्रो फुटसललाई एनएफपिजे फुटसल उपाधि

काठमाडौं (हाम्रो खेलकुद) – हाम्रो फुटसल टोलीले एनएफपिजे मैत्रीपूर्ण फुटसल प्रतियोगिताको उपाधि जितेको छ । काठमाडौंमा शनिबार भएको एक दिने प्रतियोगितामा फोटो पत्रकार संघ धादिङलाई ४–२ ले पराजित गर्दै हाम्रो फुटसलले उपाधि हात पारेको हो ।

काठमाडौं सानो भ¥याङस्थित स्वस्तिश्री गुरुकुल आइवी वल्ड स्कुलको फुटसल मैदानमा हाम्रो फुटसललाई च्याम्पियन बनाउन फाइनलमा बासु अवाल र आशिष पुडासैनीले समान दुई गोल गरे ।

उपाधिसँगै हाम्रो फुटसलले शिल्ड मेडल र प्रमाणपत्र हात पारेको छ । दोस्रो भएको धादिङ र तेस्रो भएको तमु (गुरुङ) सञ्चारकर्मी संघ नेपालले मेडल र प्रमाणपत्र हात पारेको छ ।

हाम्रो फुटसलका बासु अवाल प्रतियोगिताको सर्वाेत्कृष्ट खेलाडी तथा धादिङका श्री कृष्ण भण्डारी उत्कृष्ट गोलरक्षक चुनिए । उनीहरु दुवैले मेडल र प्रमाणपत्र हात पारे । विजयी टोली तथा खेलाडीलाई संघका अध्यक्ष प्रदीप राज वन्त लगायतले पुरस्कृत गरे ।

राष्ट्रिय फोटो पत्रकार समुह (एनएफपिजे) नेपालले आफ्नो २५औं वर्षको अवसर पारेर प्रतियोगिताको आयोजना गरेको हो । प्रतियोगितामा विभिन्न १२ टोलीले नकआउटका आधारमा प्रतिस्पर्धा गरेका थिए ।