2 years ago
July 11, 2022
काठमाडौं (हाम्रो खेलकुद) – राष्ट्रिय खेलकुद परिषद (राखेप) ले पारा तेक्वान्दोकी पलेशा गोवद्र्धन श्रेष्ठ, ब्याडमिन्टनका प्रिन्स दाहाल र भलिबलकी अरुणा शाहीसहित १३ खेलाडीलाई नगद पुरस्कारले पुरस्कृत गरेको छ । राष्ट्रपति महिला खेलकुद सहभागिता अभिवृद्धि कार्यक्रमको दौरान खेलाडीहरुलाई तीन श्रेणीमा विभाजन गर्दै राखेपले सोमबार नगदसहित पुरस्कृत गरेको हो । राखेपले दुई खेलाडीलाई जनही १ लाख ५० […]
काठमाडौं (हाम्रो खेलकुद) – राष्ट्रिय खेलकुद परिषद (राखेप) ले पारा तेक्वान्दोकी पलेशा गोवद्र्धन श्रेष्ठ, ब्याडमिन्टनका प्रिन्स दाहाल र भलिबलकी अरुणा शाहीसहित १३ खेलाडीलाई नगद पुरस्कारले पुरस्कृत गरेको छ ।
राष्ट्रपति महिला खेलकुद सहभागिता अभिवृद्धि कार्यक्रमको दौरान खेलाडीहरुलाई तीन श्रेणीमा विभाजन गर्दै राखेपले सोमबार नगदसहित पुरस्कृत गरेको हो । राखेपले दुई खेलाडीलाई जनही १ लाख ५० हजार, चार खेलाडीलाई १ लाख रुपैयाँ र सात खेलाडीलाई जनही ५० हजार रुपैयाँबाट पुरस्कृत गरेको हो ।
पारा ओलम्पिकमा भाग लिएकी पलेशा र प्रिन्स १ लाख ५० हजार रुपैयाँ र सम्मानपत्रले पुरस्कृत भए । गत वर्ष टोकियो पारालिम्पिकमा पदकबाट चुकेकी पलेशाले एसियन युथ पारा तेक्वान्दोमा स्वर्ण जित्न सफल भएकी थिइन् । यस्तै ब्याडमिन्टनका उदियमान प्रिन्स गत वर्ष विश्व ब्याडमिन्टनको जुनियरतर्फ शीर्ष वरीयतामा पर्न सफल भएका थिए ।
बक्सिङका नारिका राई, स्वस्तिका तिरुवा, छिरिङ शेर्पा र पारा तेक्वान्दोकी सृजना घिसिङ जनही १ लाख रुपैया र सम्मान पत्रले पुरस्कृत भए । बक्सिङकी नारिकाले एसियन युथ च्याम्पियनसिपमा कास्य तथा स्वस्तिका र छिरिङले एसियन जुनियर च्याम्पियनसिपमा कास्य जितेका थिए । पारा तेक्वान्दोकी सृजनाले १४ मार्चमा भएको वल्ड प्रेसिडेन्ट कपमा रजत पदक जितेकी थिइन् ।
महिला राष्ट्रिय भलिबल टोलीकी कप्तान अरुणा शाही, एथलेटिक्सकी राजपुरा पछाईं, पुष्पा भण्डारी, ट्रायथलनकी सोनी गुरुङ र बसन्त थारु, पारा तेक्वान्दोकी रन्जना धामी र बिशाल गर्वुजा समान ५० हजार रुपैयाँ र सम्मानपत्रले पुरस्कृत भए ।
एथलेटिक्सकी राजपुराले भारतमा २०२२ जनवरीमा भएको दक्षिण एसियाली क्रस कन्ट्रीमा रजत र पुष्पाले ढाका म्याराथनमा रजत जितेका थिइन् । भलिबलकी अरुण शाहीको कप्तानीमा नेपालले गत वर्ष बंगलादेशमा आयोजना भएको एभिसी सेन्ट्रल जोनमा स्वर्ण जित्न सफल भएको थियो । सेन्ट्रल जोनमा नेपालले लगातार स्वर्ण जितेको हो ।
ट्रायथलनका सोनी र बसन्तले नवौं दक्षिण एसियाली च्याम्पियनसिप २०२२ मा कास्य जितेका थिए । पारा तेक्वान्दोकी रन्जनाले एसियन गेक्स छनोटमा कास्य तथा बिशालले युथ एसियन गेम्स २०२१ म कास्य हात पारेका थिए ।
खेलाडीहरुलाई युवा तथा खेलकुद मन्त्री महेश्वर जंग गहतराज, राखेपका उपाध्यक्ष शिव कोइराला, सदस्य सचिव टंक लाल घिसिङ, माइती नेपालकी संस्थापक अध्यक्ष अनुराधा कोइराला, नेपाल ओलम्पिक कमिटीका महासचिव निलेन्द्र राज श्रेष्ठ, ओलम्पियन दीपक विष्ट, नेपाल राष्ट्रिय तथा अन्तर्राष्ट्रिय खेलाडी संघका अध्यक्ष दीपक श्रेष्ठ र कार्यक्रमका सभापति तथा राखेपका बोर्ड सदस्य चन्द्र बदना राईलगायतले पुरस्कृत गरे ।
कार्यक्रम दौरान चरी माया तामाङ, एसिड आक्रमणमा परेकी मुस्कान खातुन, ओलम्पियन संगीना वैद्य र अल्ट्रा धाविका मीरा राईको जीवन कथा समेटिएको भिडियो प्रदर्शनी गरिएको थियो । कार्यक्रममा माइती नेपालकी संस्थापक अध्यक्ष अनुराधा कोइरालाको पनि उपस्थिति रहेको थियो ।
April 30, 2024
काठमाडौं (हाम्रो खेलकुद)– एनआरएस स्पोर्टस फाउन्डेसनको आयोजनामा दोस्रो योर पेस किप फिट सक्र्रिट यसै साताबाट सुरु हुने भएको छ । एनआरएस फाउन्डेसनका अध्यक्ष निलेन्द्रराज श्रेष्ठले स्वस्थ रहनका लागि दौड आवश्यक रहेको निष्कर्ष निकाल्दै नयाँ पुस्तालाई प्रेरित गर्न प्रशिक्षण सुरु गरिएको बताइएको छ । बिहीबारबाट सुरु हुने प्रशिक्षण जेठ १४ गते सम्म सन्चालन हुने मंगलबार पत्रकार […]
April 30, 2024
ललितपुर (हाम्रो खेलकुद) – काभ्रेका मिलन लामा र ललितपुरका रुपेश जैसवाल नवौं वीर गणेशमान सिंह स्मृति चेस प्रतियोगिताको फाइनलमा पुगेका छन् । मिलनले सेमिफाइनलको पहिलो ९० मिनेट क्लासिकल खेल प्रतिद्वन्द्वी क्षितिज भण्डारी संग सेतो गोटीबाट सुरु गरेका थिए । खेल प्रतिस्पर्धात्मक बन्यो । क्षितिले गल्तीका कारण हारे । दोश्रो खेल कालो गोटीबाट शुरु गरेका उनलाई […]
April 30, 2024
धुलिखेल (हाम्रो खेलकुद) – त्रिभुवन आर्मी क्लबले छैटौं साहना प्रधान स्मृति राष्ट्रिय महिला हक्की प्रतियोगिताको उपाधि जितेको छ । गण्डकी प्रदेशलाई मंगलबार भएको फाइनलमा ४–१ गोलले हराउँदै आर्मी च्याम्पियन बनेको हो । धुलिखेल खेल मैदानमा आर्मीलाई जित दिलाउन सरस्वती तामाङले २ तथा सिमा खड्का र कमला चन्दले समान १ गोल गरिन् । गण्डकीका लागि सीता […]