काठमाडौं (हाम्रो खेलकुद) – उमेर समूहको एथलेटिक्स खेलाडीलाई लक्षित गर्दै काठमाडौंमा प्लस टू ५ के रन हुने भएको छ ।
एथलेटिक्समा उदियमान खेलाडी उत्पादन गर्ने र स्कुल कलेजमा रहेका प्रतिभावान खेलाडी उत्पादन गर्ने लक्ष्यसहित कखरा इभेन्टको आयोजना र एथलेटिक्स परिवार नेपालबाट सञ्चालन हुने रन १८ भदौंमा हुनेछ ।
प्रतियोगितामा २० वर्ष मुनिका युवा खेलाडीले सहभागिता जनाउन पाउने एथलेटिक्स परिवार नेपालका अध्यक्ष राजन खत्रीले जानकारी दिए ।
छात्र र छात्रा दुवै विधामा आयोजना हुने प्लस टू रनको विजेतालाई ५० हजार रुपैयाँ, दोस्रो हुनेलाई ३० हजार, तेस्रो हुनेलाई १५ हजार र चौथो हुनेलाई १० हजार, पाँचौ हुनेलाई ५ हजार र छैटौदेखि दशौंसम्म स्थान हासिल गर्ने खेलाडीलाई जनही १ हजार रुपैयाँ नगद पुरस्कार प्रदान गरिनेछ ।
प्रतियोगितामा सहभागी हुने खेलाडीलाई पदक, ट्रफी र प्रमाणपत्र प्रदान गरिनेछ । प्लस टू रनमा करिब १ हजार विद्यार्थीले सहभागीता जनाउने आयोजकले विश्वास लिएको छ ।
