महिला भलिबल – आर्मी र प्रदेश १ को जित

बेनी (हाम्रो खेलकुद) – नवौ राष्ट्रिय खेलकुद प्रतियोगिता अन्तरगत महिला भलिबलमा विभागीय टोली नेपाली सेनाको त्रिभुवन आर्मी क्लब र प्रदेश १ विजयी भएको छ ।

आर्मीले कर्णाली प्रदेशमाथि ३–० को सोझो सेटमा जित निकालेको हो । एक पक्षीय खेलमा आर्मीले २५–१२, २५–१३ र २५–१२ को सहज जित निकाल्यो । आर्मीकी संगम महतो खेलको वुमन अफ दि म्याच घोषित भइन् ।

यस जितसँगै आर्मीले क्वाटरफाइनल पुगेको छ । आर्मीको जितले एपिएफ पनि अन्तिम आठमा पुगेको छ । अब आर्मी र एपिएफबीच समूह विजेताको लागि प्रतिस्पर्धा हुनेछ । यो खेल आइतबार हुनेछ । लगातार दुई खेलमा हार बेहोरेको कर्णाली प्रतियोगिताबाट बाहिरिएको छ ।

यस्तै अर्काे खेलमा प्रदेश १ ले मधेश प्रदेशलाई ३–० को सोझो सेटमा हराएको छ । प्रदेश १ ले मधेशमाथि २५–१३, २५–२२ र २५–१५ को सोझो सेटमा जित निकाल्यो । यस जितसँगै प्रदेश १ ले क्वाटरफाइनल पुग्ने सम्भावना बलियो बनाएको छ । प्रदेश १ की समिक्षा राई वुमन अफ दिम्याच घोषित भइन् ।

यो समूहमा बागमती प्रदेशले पनि जित निकालेको छ । आइतबार बागमती र मधेशबीच प्रतिस्पर्धा हुँदैछ । यस खेलमा सफलता हात पारे बागमती समूह विजेता बन्नेछ भने प्रदेश १ उपविजेताको रुपमा अघि बढ्नेछ ।

महिला भलिबल – आर्मी र प्रदेश १ को जित

Latest News

Popular News

General

‘नेपालमा‌ छोटो तर अर्थपूर्ण समय बिताउँने छु’ – डु प्लेसिस

रियल हारबाट जोगियो

लेभरकुसेनसँग म्यानचेस्टर सिटीको हार

चर्चित खेलहरु:

उपयोगी लिङ्कहरू

सम्पर्क

सामाजिक संजाल