काठमाडौं (हाम्रो खेलकुद) – सुरेन राणाले सातौं संस्करणको लक्ष्मी बैंक खुला गल्फ प्रतियोगिताको उपाधि जितेको छ । किशोर बस्नेतसँग ४० स्टेबल फोर्ड अंकमा बराबरी भएपनि काउन्ट ब्याक प्रणालीमा राणाले ब्याक नाइन होलमा २३ अंक ल्याए भने बस्नेतले २० अंक हात पारे ।

बस्नेत उपविजेता बने । निश्चयजंग रायमाझीले ३७ ग्रस अंक बनाएर उत्कृष्ट ग्रसको अवार्ड जिते । महिलातर्फ गीता गुरुङ ३० अंकसहित विजयी भइन् । महेन्द्र मैनाली ३६ अंकका साथ सिनियर (६० वर्ष र माथि) विजेता बने ।
लक्ष्मी बैंकका ग्राहकमध्ये आङ दोर्जी शेर्पा ३७ अंकका साथ विजयी भए । आइस्टिना टण्डनले ४१ अंक जोड्दै जुनियर ट्रफी जितिन् । क्याप्टेन नोर्बु शेर्पाले लङ्गेस्ट ड्राइभ, मिथुन राईले क्लोसेस्ट टु दि पिन र वाङ्चेन धोन्डुपले मोस्ट बर्डीको अवार्ड पाए ।
लक्ष्मी बैंकले प्रायोजन गरेको प्रतियोगिता स्टेबल फोर्ड ढाँचामा३/४ ह्यान्डिक्यापमा खेलाइएको थियो । प्रतियोगितामा सबै ११३ गल्फ खेलाडीको सहभागिता रहेको थियो ।
विजयी खेलाडीलाई लक्ष्मी बैंकका अध्यक्ष रमन नेपाल, प्रमुख कार्यकारी अधिकृत अजय विक्रम शाह, गोकर्ण गल्फ क्लबका अध्यक्ष सुहृद घिमिरे र जोसेफ नाथनलगायतले पुरस्कृत गरे ।