default_image

1 year ago

November 7, 2022

भट्ट यू२३ भलिबल टोलीको मुख्य प्रशिक्षक नियुक्त

काठमाडौं (हाम्रो खेलकुद) – नेपाली भलिबलका सफल प्रशिक्षक जगदिश प्रसाद भट्ट यू२३ पुरुष राष्ट्रिय भलिबल टोलीको मुख्य प्रशिक्षक नियुक्त भएका छन् । नेपाल भलिबल संघले उनलाई यू २३ सम्हाल्ने जिम्मेवारी दिएको छ । भट्टको प्रशिक्षणमा नेपालले बंगलादेशको ढाकामा पुसमा आयोजना हुने पहिलो काभा यू२३ पुरुष भलिबल च्याम्पियनसिप चुनौती पेश गर्नेछ । काभा यू२३ च्याम्पियनसिप ढाकामा […]

112 views

0 Bookmark

काठमाडौं (हाम्रो खेलकुद) – नेपाली भलिबलका सफल प्रशिक्षक जगदिश प्रसाद भट्ट यू२३ पुरुष राष्ट्रिय भलिबल टोलीको मुख्य प्रशिक्षक नियुक्त भएका छन् । नेपाल भलिबल संघले उनलाई यू २३ सम्हाल्ने जिम्मेवारी दिएको छ ।

भट्टको प्रशिक्षणमा नेपालले बंगलादेशको ढाकामा पुसमा आयोजना हुने पहिलो काभा यू२३ पुरुष भलिबल च्याम्पियनसिप चुनौती पेश गर्नेछ । काभा यू२३ च्याम्पियनसिप ढाकामा पुस ५ देखि १२ गतेसम्म हुनेछ । टोलीको सहायक प्रशिक्षकमा भरत यादव रहनेछन् । राष्ट्रिय खेलकुद परिषद् (का) भलिबलका मुख्य प्रशिक्षक प्रज्वल बहादुर सिंह पनि टोलीसँगै हुनेछन् ।

भट्टको प्रशिक्षणमा नेपालको महिला भलिबल टोली लगातार दुई पटक सेन्ट्रल जोनको च्याम्पियनसिप जितेको थियो । उनकै नेतृत्वमा तीन वर्षअघि स्वदेशमा भएको १३औं दक्षिण एसियाली खेलकुद (साग) महिलातर्फ फाइनल यात्रा तय गरेको थियो । सागको इतिहासमा नेपाली महिला टोली फाइनल पुगेको त्यो पहिलो अवसर थियो ।

पुरुषतर्फ नेपालले २०१७ मा सेन्ट्रल जोनमा कास्य जित्दा पनि उनी टोलीका प्रशिक्षक थिए । त्यसयता उनले महिला टोलीलाई प्रशिक्षण दिदै आएको छन् । प्रशिक्षक भट्टले सोमबार देखि नै आफ्नो जिम्मेवारी सम्हालिसकेको छ ।

त्रिपुरेश्वरस्थित राखेप कभर्डहलमा यू२३ टोलीका लागि सोमबारदेखि खुला छनोट सुरु भएको छ । छनोटमा देशैभरबाट ८५ जना खेलाडीको सहभागिता रहेको छ । बुधबारसम्म हुने छनोटलगत्तै खेलाडीलाई बन्द प्रशिक्षणमा राखिने संघले जनाएको छ ।

यस्तै बंगलादेशकै कक्स बजारमा हुने सिनियर पुरुष र महिला बिच भलिबल च्याम्पियनसिपका लागि मंगलबारदेखि खुल्ला छनोट हुने संघले जनाएको छ । संघका अनुसार पुरुषतर्फ ७ र महिलातर्फ ५ टोलीले प्रतिस्पर्धा गर्नेछन् ।

छनोट कीर्तिपुरमा हुनेछ । खुल्ला छनोटपछि एक पुरुष र एक महिला टोलीले नेपालको प्रतिनिधित्व गर्नेछ । यू२३ छनोट समितिको संयोजकमा जितेन्द्र श्रेष्ठ र बिच भलिबल छनोट समितिको संयोजकमा जुनु पुन रहेका छन् ।

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

April 16, 2024

बहराइनको कम्बोडियाविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]

Success

Thank you for your time.