default_image

1 year ago

November 9, 2022

काभा बिच भलिबल – बन्द प्रशिक्षणलाई ८ खेलाडी छनोट

काठमाडौं (हाम्रो खेलकुद) – नेपाल भलिबल संघले सेन्ट्रल एसियन (काभा) महिला तथा पुरुष बिच भलिबल प्रतियोगिताको लागि बन्द प्रशिक्षणमा ८ खेलाडीलाई छनोट गरेको छ । कीर्तिपुरस्थित बिच भलिबल कोर्टमा दुइ दिनसम्म चलेको छनोट प्रतियोगितामार्फत पुरुषतर्फ ४ र महिलातर्फ ४ जना गरी राष्ट्रिय टोलीको बन्द प्रशिक्षणका लागि ८ खेलाडी छनोट गरिएकाे हाे । पुरुषतर्फ त्रिभुवन आर्मी […]

163 views

0 Bookmark

काठमाडौं (हाम्रो खेलकुद) – नेपाल भलिबल संघले सेन्ट्रल एसियन (काभा) महिला तथा पुरुष बिच भलिबल प्रतियोगिताको लागि बन्द प्रशिक्षणमा ८ खेलाडीलाई छनोट गरेको छ ।

कीर्तिपुरस्थित बिच भलिबल कोर्टमा दुइ दिनसम्म चलेको छनोट प्रतियोगितामार्फत पुरुषतर्फ ४ र महिलातर्फ ४ जना गरी राष्ट्रिय टोलीको बन्द प्रशिक्षणका लागि ८ खेलाडी छनोट गरिएकाे हाे ।

पुरुषतर्फ त्रिभुवन आर्मी क्लबका मानबहादुर श्रेष्ठ र दिलबहादुर सुनार र नेपाल एपीएफ क्लबका राजकुमार निरौला र लक्ष्मण राना बन्द प्रशिक्षणलाई छनोट भएका छन् । महिलातर्फ पुलिसकी कमला पुन र कोपिला उप्रेती तथा एपिएफकी रेश्मा भण्डारी र निरुता ठगुन्ना छनोट हुन सफल भएका छन् ।

बुधबार भएको पुरुषतर्फको छनोटको फाइनलमा मान र दिलको जोडीले राज कुमार र लक्ष्मणको जोडीलाई २–० को सोझो सेटमा हराउँदै पहिलो हुन सफल भयो । संघले फाइनलमा पुगेका दुवै टोलीलाई बन्द प्रशिक्षणमा राखिने जनाएको छ । बन्द प्रशिक्षणपछि उत्कृष्ट खेलाडीलाई छनोट गरी अन्तिम टोली निर्माण गरिने छ ।

महिलातर्फ मंगलबार नै पुलिसकी कोपिला उप्रेती र कमला पुनको जोडीले एपिएफकी निरुता ठगुन्ना र रेश्मा भण्डारीको जोडीलाई २–० को सेटमा हराएर पहिलाे भएकाे थियो ।

छनोट प्रतियोगितामा पुरुषतर्फ ७ र महिलातर्फ ५ टिमको सहभागिता थियो । छनोटमा विभागबाहेक प्रदेश र अन्य क्लबहरुले सहभागिता जनाएनन् ।

छनोट भएका सबै ८ खेलाडी नै विभागीय टोलीका रहेकाले मंसिर ४ गते हुने निर्वाचनपछि राष्ट्रिय टिमको बन्द प्रशिक्षण सुरु गरिने संघले जनाएके छ । एसियन सेन्ट्रल जोन बिच भलिबल बंगलादेशको कक्स बजारमा ११ देखि १६ पुससम्म हुँदैछ ।

April 16, 2024

बहराइनको कम्बोडियाविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

Success

Thank you for your time.