काठमाडौं (हाम्रो खेलकुद) – नेपाल भलिबल संघ जापान शाखाको दोस्रो अधिवेशनले बुद्ध बस्नेतको अध्यक्षतामा नयाँ कार्यसमिति नै निर्विरोध चयन गरेको छ ।
जापानको टोकियोस्थित सिनओकुवोमा मंगलबार भएको दोस्रो अधिवेशनले आगामी दुई कार्यकालका लागि बस्नेतको अध्यक्षतामा पुरै कार्यसमिति नै निर्विरोध चयन गरेको हो ।
प्रथम उपाध्यक्षमा भिक्टर ठाडा मगर, उपध्यक्षमा दिपेश खत्री र बसन्त थापा निर्वाचित भएका छन् । महासचिबमा प्रकाश चन्द्र जोशी र सह–सचिबमा रविन सुवेदी निर्वाचित भए । कोषाध्यक्षमा कमल खड्का र सह–कोषाध्यक्षमा केशव सुबेदी निर्वाचित भएका छन् ।
सदस्यमा मनोज केसी, राजेश थापा मगर, दिनेश थापा, देव हर्मा (माइला) र सविना छन्त्याल निर्वाचित भएका छन् ।
नवनिर्वाचित कार्यसमितिलाई निर्वाचन समितिका संयोजक तथा नेपाल भलिबल संघ गण्डकी प्रदेशका अध्यक्ष नविक कुमार गुरुङले पद तथा गोपनियताको सपथ ग्रहण गराए ।
निर्वाचित पदाधिकारीलाई पूर्व राष्ट्रिय खेलाडी तथा पशिचमाञ्चल क्षेत्रीय भलिबल संघका संस्थापक अध्यक्ष श्री गुरुङ, निर्वाचन समितिका संयोजक एवम् गण्डकी प्रदेश भलिबल संघका अध्यक्ष नविन कुमार गुरुङ, निवर्तमान अध्यक्ष रत्न सिंह बस्नेत एनआरएनए जापानका उपाध्यक्ष राम थापा ‘अनिल’, गलकोट समाज जापानकी अध्यक्ष कालिका थापा, एनआरएनए चिवाका संयोजक मुक्तिराज रेग्मी, गायक रामकृष्ण बम मल्ल लगायतले बधाई तथा शुभकामना प्रदान गरे ।
