पोखरा (हाम्रो खेलकुद) – युनाइटेड पोखरा क्लब पोखराको आयोजनामा युनाइटेड पोखरा भलिबल कप यही बिहीबारदेखि हुने भएको छ ।
प्रतियोगिता मंसिर २२ गते बिहीबारदेखि २५ गते आइतबारसम्म छन्त्याल समाजको भलिबल कोर्ट नदिपुरमा हुने क्लबका अध्यक्ष अनिल गुरुङले जानकारी गराए ।
प्रतियोगितामा महिला र पुरुष दुवैमा प्रतिस्पर्धा हुनेछ । प्रतियोगिता लिग कम नकआउटका आधारमा हुनेछ । पुरुषतर्फ १० र महिलातर्फ ९ टोलीको अनुमान गरिएको आयोजकले जनाएको छ ।
प्रतियोगितामा सहभागिताको लागि २१ गतेसम्म दर्ताको लागि समयसीमा तोकिएको छ । पुरुषतर्फ ६ हजार ५ सय र महिलातर्फ ४ हजार दर्ता शुल्क तोकिएको छ ।
पुरुषतर्फको विजेताले १ लाख ११ हजार १ सय ११ रुपैया, शिल्ड, मेडल र प्रमाणपत्र प्राप्त गर्नेछन्। दोस्रो हुनेले ६६ हजार ६ सय ६६ रुपैया, शिल्ड, मेडल र प्रमाणपत्र पाउनेछन् ।
महिलातर्फ विजेताले ४४ हजार ४ सय रुपैया, शिल्ड, मेडल र प्रमाणपत्र प्राप्त गर्नेछन्। दोस्रो हुनेले ३० हजार ३० रुपैया, शिल्ड, मेडल र प्रमाणपत्र प्राप्त गर्नेछन् ।
