3 years ago
January 24, 2023
पोखरा (हाम्रो खेलकुद) – विभागीय नेपाल पुलिस क्लबले पोखरामा जारी तेस्रो टाइगर कप राष्ट्रिय तथा अन्तर्राष्ट्रिय आमन्त्रित खुल्ला क्लब च्याम्पियनसिप महिला तथा पुरुष भलिबल प्रतियोगिताको पुरुषतर्फ रोमाञ्चक पूनरागमन जित निकालेको छ ।
पुलिसले दुई सेट पछि परेको स्थिति उल्ट्याएर श्रीलंकाको सेन्ट जोसेफ वाज स्पोर्टस् क्लबमाथि ३–२ को रोमाञ्चक पूनरागमन जित निकालेको हो ।
पोखरा रंगशालास्थित भलिबल कोर्टमा मंगलबार भएको खेलमा पुलिसले पहिलो र दोस्रो सेट १९–२५ र २३–२५ ले गुमाउन पुगेको थियो । तर, त्यसपछिको तीन सेट पुलिसले खेल आफ्नो पक्षमा पार्न सफल भयो ।
पुलिसले तेस्रो सेट २५–२३ ले जित्दै खेलमा फर्कने संकेत दियो । चौथो सेट पुलिसले २५–१९ ले जित्दै खेललाई २–२ सेटको बराबरीमा ल्याउँदै खेललाई पाँचौ सेटमा लम्ब्याए । प्रतिस्पर्धात्मक र रोमाञ्चक बनेको निर्णायक तथा पाँचौ सेटमा पुलिस १५–१३ ले विजयी हुन सफल भयो ।
यस जितसँगै पुलिसले ३ खेलबाट २ अंक जोडेको छ । सेन्ट जोसेफको २ खेलबाट १ अंक छ । आज नै अन्तिम खेलमा गण्डकी र एपिएफबीच प्रतिस्पर्धा हुँदैछ । एपिएफको २ खेलबाट ६ अंक छ । गण्डकीको १ खेलबाट ३ अंक छ । आर्मीको २ खेलबाट ३ अंक छ ।
December 8, 2025
काठमाडौं (हाम्रो खेलकुद)- भारतको इस्ट बंगाल एफसीले जितका साथ काठमाडौंमा जारी साफ महिला क्लब च्याम्पियनसिपमा विजयी सुरुवात गरेको छ। दशरथ रंगशालामा आज भएको पहिलो खेलमा इस्ट बंगालले भुटानको ट्रान्सपोर्ट एफसीलाई ४-० ले हराएको छ। इस्ट बंगाललाई जित दिलाउन फाजिला इक्वापुटले २ , सुलञ्जना राउल र रेस्टी नान्जिरीले समान १ गोल गरिन्। फाजिलाले ३५ औं मिनेटमा गोल […]
December 6, 2025
काठमाडौं (हाम्रो खेलकुद)- नेपाल पुलिस स्कुल साँगा काभ्रेपलाञ्चोकको आयोजनामा जारी ३१ औँ अन्तर मावि आइजीपी फुटबल रनिङ ट्रफीको चौथो दिन आज एनपिएस धरान, एनपिएस साँगा (निलो) र पिस प्वाइन्ट विद्यालय विजयी भए। पहिलो खेलमा नेपाल पुलिस स्कूल धरानले डिएभी स्कुल जावलाखेललाई १५- १ ले पराजित गर्यो । धरानका श्रीजन मल्लले एक्लैले ५ गोल गर्दै ‘प्लेयर […]
December 5, 2025
काठमाडौं (हाम्रो खेलकुद)- एपिएफ फुटबल क्लबले साफ महिला क्लब च्याम्पियनसिप २०२५ मा दमदार सुरुवात गरेको छ। एपिएफले बंगलादेशको नसरिन स्पोर्ट्स एकेडमीलाई ४-० ले माथ दिंदै विजयी सुरुवात गरेको हो।एपिएफको जितमा रश्मि कुमारी घिसिङ र युवा खेलाडी मिना देउवाले समान २ गोल गरे। दशरथ रंगशालामा भएको खेलमा घरेलु टोली एपिएफ दबाब बनायो। ३८ औ मिनेटमा रश्मिले […]
