default_image

1 year ago

February 16, 2023

न्यू डायमण्ड कप यू–१८ खुल्ला राष्ट्रिय महिला भलिबल अर्काे साता

170 views

0 Bookmark

काठमाडौं (हाम्रो खेलकुद) – न्यु डायमन्ड युथ स्पोर्ट्स क्लबको आयोजनामा ‘बागमती प्रदेश न्यू डायमण्ड कप यू–१८ खुल्ला राष्ट्रिय महिला भलिबल च्याम्पियनसिप २०७९’ अर्काे साता आयोजना हुने भएको छ ।

आयोजक न्यू डायमण्डले बिहीबार राजधानीमा पत्रकार सम्मेलनको आयोजना गर्दै प्रतियोगिता फागुन ९ देखि १३ गतेसम्म हुने जानकारी गराएको छ ।

प्रतियोगितामा काठमाडौं र काठमाडौं बाहिरका गरी करिव १२ टोलीको सहभागिता रहने न्यू डायमण्ड युथ स्पोर्टस् क्लबका अध्यक्ष तथा प्रशिक्षक कुमार राईले जानकारी गराए । प्रतियोगिता आयोजना गराउनुको मुख्य उद्देश्य क्लबको निर्माणधीन खेल मैदान निर्माण सहयोगार्थ रहेको अध्यक्ष राईले थपे ।

‘हामीले प्रतियोगिता गराउनुको मुख्य उद्देश्य जुनियर स्तरबाटै खेलाडी उत्पादनसँगै क्लबको निर्माणधीन भलिबल कोर्ट निर्माणमा केही सहयोगको लागि नै हो ।’ अध्यक्ष राईले भने । चन्द्रगिरि नगरपालिका वडा नम्वर १३ का अध्यक्ष श्रीकृष्ण खत्रीले यो प्रतियोगिताको लागि नभई क्लबको निर्माणधीन कोर्टलाई नै सहयोग गर्ने बताए ।

च्याम्पियनसिप फिबको नियममा रही अन्तर्राष्ट्रिय तथा राष्ट्रिय रेफ्रीहरुद्धारा लिग कम नकआउट पद्दतिबाट वेस्ट अफ फाइभको आधारमा खेलाइने आयोजकले जनाएको छ । शुत्रबारसम्मको लागि दर्ता समय रहेको र हालसम्म ६ भन्दा बढी टोलीले सहभागिता पक्का गरिसकेको शनिबार टाइसिट निकालिने अध्यक्ष राईले बताए ।

यस च्याम्पियनसिपलाई नेपाल भलिबल संघले स्वीकृतिसँगै प्राविधिक सहयोग गरेको छ । यस्तै प्रदेश खेलकुद विकास परिषद् बागमती प्रदेशले पुरस्कारमा सहयोग गरेको छ । नागार्जुन नगरपालिकाले पनि आर्थिक सहयोग गरेको छ । चन्द्रागिरि नगरपालिका च्याम्पियनसिपको संरक्षक रहेको छ ।

प्रतियोगिताको अनुमानित बजेट २१ लाख १० हजार रुपैयाँ रहेको छ । पुरस्कारतर्फ मात्रै १० लाख रुपैयाँ खर्च हुनेछ । क्लबका उपाध्यक्ष तथा कभर्डहल निर्माण समितिको संयोजक किरण कार्कीले कभर्डहल निर्माणमा ४० लाख रुपैया खर्च भइसकेको बताए ।

पुरस्कार राशि
प्रथम पुरस्कार – ५ लाख रुपैया, ट्रफी मेडल र प्रमाणपत्र
दोस्रो पुरस्कार – २ लाख ५० हजार रुपैयाँ, ट्रफी, मेडल र प्रमाणपत्र
तेस्रो पुरस्कार – १ लाख रुपैया, ट्रफी, मेडल र प्रमाणपत्र
सान्त्वना पुरस्कार – ५० हजार रुपैया र प्रमाणपत्र
विधागततर्फ
सर्वाेत्कृष्ट खेलाडी – २५ हजार रुपैया, ट्रफी र प्रमाणपत्र
उत्कृष्ट स्पाइकर – १० हजार रुपैया, ट्रफी र प्रमाणपत्र
उत्कृष्ट सेटर– १० हजार रुपैया, ट्रफी र प्रमाणपत्र
उत्कृष्ट ब्लकर – १० हजार रुपैया, ट्रफी र प्रमाणपत्र
उत्कृष्ट सर्भर – १० हजार रुपैया, ट्रफी र प्रमाणपत्र
उत्कृष्ट डिफेन्डर – १० हजार रुपैया, ट्रफी र प्रमाणपत्र
उत्कृष्ट प्रशिक्षक – १० हजार रुपैया, ट्रफी र प्रमाणपत्र
उदियमान खेलाडी – १५ हजार रुपैया, ट्रफी र प्रमाणपत्र

June 10, 2024

छन्त्याल र ढोरपाटनलाई भलिबल उपाधि

सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]

June 9, 2024

अष्ट्रेलियाले इंग्ल्यान्डलाई हरायो

एजेन्सी – अष्ट्रेलियाले आइसीसी टि२० विश्वकप अन्तर्गत समूह बी को खेलमा इंग्ल्यान्डलाई पराजित गरेको छ । प्रतियोगितामा लगातार दोस्रो जित हासिल गरेको अष्ट्रेलियाले ३६ रनको जित दर्ता गर्यो । बार्बाडसमा पहिलो ब्याटिङको निम्तो पाएको अष्ट्रेलियाले २० ओभरमा ७ विकेट गुमाएर २ सय १ रन जोडेको थियो । अष्ट्रेलियाका कुनैपनि ब्याटरले ४० रन कटाएनन् तर आक्रामाक […]

June 8, 2024

गण्डकीलाई हराउँदै हेल्प नेपाल च्याम्पियन

काठमाडौं (हाम्रो खेलकुद) – गण्डकी प्रदेश भलिबल संघलाई पराजित गर्दै साविक विजेता टिप टप हेल्प नेपाल आठौं पिएम एनभिए भलिबल लिगको पुरुषतर्फ च्याम्पियन बनेको छ । शनिबार भएको फाइनलमा गण्डकी प्रदेशमाथि ३–१ को सेटमा जित निकाल्दै हेल्प नेपालले उपाधि रक्षा गर्न सफल भएको हो ।त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा भएको फाइनलमा नेपालीसँगै भारतीय […]

Success

Thank you for your time.