default_image

1 year ago

April 5, 2023

गण्डकीलाई हराउँदै एपिएफ च्याम्पियन

174 views

0 Bookmark

काठमाडौं । गण्डकी प्रदेशलाई पराजित गर्दै विभागीय नेपाल एपिएफ क्लब छैटौं ढोरपाटन पुरुष भलिबल च्याम्पियनसिपको च्याम्पियन बनेको छ ।

गण्डकीलाई ३–१ को सेटमा पराजित गर्दै एपिएफ च्याम्पियन बन्न सफल भएको हो । नयाँ बसपार्कस्थित ढोरपाटन भलिबल प्रशिक्षण केन्द्रको मैदानमा बुधबार भएको फाइनलको पहिलो सेटमा एपिएफ २५–१७ ले सहजै विजयी हुन सफल भयो ।

दोस्रो सेटमा २५–२३ को प्रतिस्पर्धात्मक जित निकालेको एपिएफले रोमाञ्चक र प्रतिस्पधात्मक बनेको तेस्रो सेट २६–२८ ले गुमाउन पुगेको थियो । चौथो सेटमा भने एपिएफ २५–२२ ले विजयी हुँदै च्याम्पियन बन्न सफल भयो ।

च्याम्पियनसिप बनेसँगै एपिएफले २ लाख ५० हजार, कप र मेडल प्राप्त गरेको छ । दोस्रो भएको गण्डकीले १ लाख २५ हजार, कप र मेडल प्राप्त गरेको छ ।

बुधबारै आर्मीलाई २५–२७, २५–२०, २५–२० र २५–१७ ले पराजित गर्दै नेपाल पुलिस क्लबले तेस्रो स्थान हासिल गरेको छ । तेस्रो भएको पुलिसले ६५ हजार, कप र मेडल हात पारेको छ ।

एपिएफका स्पाइकर विजय थापा सर्वाेत्कृष्ट खेलाडी घोषित भए । उनले १० हजार रुपैयाँ र ट्रफी प्राप्त गरेको छ । गण्डकीका कप्तान हरि पाण्डे स्पाइकर, देवु राना ब्लकर र कुन्जन शाही उत्कृष्ट लिवेरो घोषित भए ।

एपिएफका लोकेन्द्र गिरी सेटर, सुनिल घर्ती मगर सर्भर र महेश चौधरी उत्कृष्ट प्रशिक्षक चुनिए । उनीहरुले समान ५ हजार रुपैयाँ र ट्रफी प्राप्त गरे । विजयी टोली तथा खेलाडीलाई आयोजक ढोरपाटन भलिबल प्रशिक्षण केन्द्रका अध्यक्ष मनवीर छन्त्याललगायतले पुरस्कृत गरे ।

१४ चैतबाट शुरु भएको च्याम्पियनसिपमा ११ टोलीको सहभागिता रहेको छ । सहभागी टोलीलाई दुई समूहमा विभाजन गरी नकआउटको आधारमा प्रतिस्पर्धा गराइएको थियो ।

May 19, 2024

म्यानचेस्टर सिटी लगातार चौथो पटक प्रिमियर लिग च्याम्पियन

एजेन्सी – म्यानचेस्टर सिटी लगातार चौथो पटक इंग्लिश प्रिमियर लिगको उपाधि जितेको छ । लिगको अन्तिम खेलमा वेस्ट ह्याम माथि ३-१ को जित निकालेर आर्सनललाई पछि २ अंकले पार्दै सिटीले कीर्तिमानी लिग उपाधि जितेको हो । इंग्लिश फुटबल इतिहासमा कुनै पनि टिमले लगातार चार पटक लिग उपाधि जितेको यो पहिलो पटक हो । यसअघि हडर्सफिल्ड […]

May 19, 2024

सुमित्रा र राजनलाई वान रन हाफ म्याराथन उपाधि

ललितपुर (हाम्रो खेलकुद)- सुमित्रा चौधरी र राजन रोकायाले पहिलो वान रन अन्तर्राष्ट्रिय हाफ म्याराथन उपाधि जितेका छन्। आइतबार भएको हाफ म्याराथनको महिलातर्फ सुमित्राले १ घण्टा ३४ मिनेट २६ सेकेन्डमा दौड पूरा गरिन् । पुष्पा भण्डारी १ घण्टा ४२ मिनेट ५४ सेकेन्डमा दौड पूरा गर्दै दोस्रो भइन् । मञ्जु सुनार २ घण्टा ३ मिनेट ८ सेकेन्डको‌ […]

May 18, 2024

सिता ललितपुर मेयर्स कपमा उत्कृष्ट खेलाडी घोषित

काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]

Success

Thank you for your time.