1 year ago
June 9, 2023
काठमाडौं (हाम्रो खेलकुद) – नेपाली पुरुष राष्ट्रिय बास्केटबल टोलीले अर्को सातादेखि माल्दिभ्समा सुरु हुने फाइभ नेसन्स मेन्स बास्केटबल च्याम्पियनसिपमा भाग लिने भएको छ ।
१२ खेलाडीसहितको टोली च्याम्पियनसिपमा भाग लिन सोमबार त्यसतर्फ जाने शुक्रबार आयोजित पत्रकार सम्मेलनमा नेपाल बास्केटबल संघका कार्यवहाक अध्यक्ष भिमसिंह गुरुङले जानकारी दिए ।
च्याम्पियनसिपका लागि एक महिनादेखि बास्केटबलका मुख्य प्रशिक्षक दीनेश नकर्मीले प्रशिक्षण दिइरहेको बताइएको छ । नेपाली टोलीका कप्तान सदिश प्रधानले लामो समयपछि अन्तर्राष्ट्रिय खेलमा फर्कदा र लामो समयको प्रशिक्षण रहेकाले यसपटक स्वर्ण पदक जित्ने सक्ने लक्ष्य रहेको बताए ।
च्याम्पियनसिप नेपालसहित आयोजक माल्दिभ्स, भुटान, बंगलादेश र पाकिस्तानको सहभागिता रहने संघका महासचिव नरेन्द्र थापाले जानकारी दिए । राउन्ड रोविन लिगपछि शीर्ष ४ टोली सेमिफाइनल प्रवेश गर्नेछन् । च्याम्पियनसिप जेठ ३१ देखि असार ७ गते सम्म हुनेछ ।
सोही अवसरमा अध्यक्ष गुरुङले रिम्पोछे, राष्ट्रिय खेलकुद परिषद, प्रायोजक, खेलाडी र सरोकारवालालाई धन्यवाद दिए । लि निङले नेपाली राष्ट्रिय बास्केटबल टोलीलाई प्रायोजन गर्दै आएको छ । नेपालका लागि लि निङको आधिकारिक विक्रेता चाइना ट्रेडका राजन महर्जनले टोलीलाई इतिहास बनाउने मौका रहेको र उपाधि जितेर फर्किन शुभकामना दिए ।
नेपाली राष्ट्रिय बास्केटल टोली
सदिश प्रधान (कप्तान) , विनोद महर्जन, विजय बुर्जा, निकेश रखाल मगर, मविन्द्र भण्डारी, अजय कुशवाहा, दिवेश्वर शाह, आयुष सिंह, निश्चल महर्जन, अशिम श्रेष्ठ, श्रेयस बहादुर शाह
प्रशिक्षक – विपिन कपाली, नृपेश श्रेष्ठ
व्यवस्थापक – सुशिल गुरुङ
July 22, 2024
काठमाडौं (हाम्रो खेलकुद) – काभा नेसन्स लिगको तयारीमा रहेको नेपाली महिला राष्ट्रिय भलिबल टोलीले रसियन टोलीसँग अर्काे हार बेहोरेको छ । यससँगै नेपालले दुई मैत्रीपुर्ण खेलकाे सिरिज रसियालाई २–० ले सुम्पिएकाे छ । सोमबार भएको दोस्रो खेलमा नेपाल ३–० को सोझो सेटमा पराजित हुन पुग्यो । यसअघि आइतबार भएको पहिलो खेलमा पनि नेपालले ३–० कै […]
July 18, 2024
काठमाडौं (हाम्रो खेलकुद) – ललित स्मृति यु-१८ लिगमा बिहीबार नेपाल एपिएफ क्लब र नेपाल पुलिस क्लब विजयी भएका छन् । लिग सिजनको पहिलो जित दर्ता गर्ने क्रममा एपिएफले सातदोबाटो माथि २-१ को जित हात पारेको हो । जितमा विकास टिटुङ र किशोर गुरुङले १-१ गोल गरे । सातदोबाटोका लागि योहान्ना लिम्बूले अन्तिम समयमा १ गोल […]
July 15, 2024
एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]
