default_image

4 weeks ago

May 26, 2024

जापानमा पर्वत कप पुरुष भलिबल च्याम्पियनसिप हुने

360 views

0 Bookmark

काठमाडौं । पर्वत समाज जापानकाे आयाेजनामा जापानमा आगामी साउन तेस्राे साता प्रथम पर्वत कप पुरुष भलिबल च्याम्पियनसिप २०२४ आयोजना हुने भएकाे छ ।

पर्वत समाज जापानले आगामी साउन १९ गते शनिबार (३ अगस्ट २०२४) प्रथम पर्वत कप पुरुष भलिबल च्याम्पियनसिप आयोजना गर्न लागेको जानकारी गराएको छ । प्रतियोगिता तोडा सिटी स्पोर्टस् सेन्टरमा हुनेछ ।

जापानमा रहेका भलिबल खेलाडीलाई सक्रिय राख्न, प्रवामिा रहेका नेपालीहरुबीच आत्मीयता बढाउन, खेलकुदको संरक्षणसँगै प्रवद्र्धन र नेपालको राष्ट्रिय खेल भलिबललाई प्रवासमा पनि सशक्त बनाउन प्रतियोगिता आयोजना गर्न लागिएका समाजका अध्यक्ष सुभास लामिछानेले जानकारी गराए ।

प्रतियोगिताको विजेताले ३ लाख ५५ हजार ५ सय ५५ जापानी येन, च्याम्पियन ट्रफी, मेडल र प्रमाण पत्र प्राप्त गर्नेछ । दोस्रो हुनेले २ लाख २२ हजार २ सय २२ येनसँगै ट्रफी, मेडल र प्रमाणपत्र पाउनेछन् । तेस्रो हुनेलाई १ लाख ११ हजार १ सय ११ येन र प्रमाणपत्र प्रदान गरिने छ ।

यस्तै प्रतियोगिताको सर्वाेत्कृष्ट खेलाडी, उत्कृष्ट स्पाइकर, ब्लकर, सेटर, सर्भर, लिवेरो र प्रशिक्षक सम्मानपत्रद्धारा सम्मानित हुनेछन् । नकआउटका आधारमा हुने एकदिने प्रतियोगितामा सहभागिताका लागि ४० हजार येन दर्ता शुल्क तोकिएको छ ।

पर्वत समाज जापानको टोलीमा नेपालको राष्ट्रिय टोलीबाट प्रतिनिधित्व गरिसकेका र आफ्नो समयमा घरेलु भलिबलमा चर्चा कमाएका देव माइला, मदन साउद, उमेश लामिछाने, बिकास केसी, निलम सिंहलगायतले खेल्नेछन् ।

नेपालबाट पनि पछिल्लो समय चर्चामा रहेका खेलाडी ल्याउने प्रयास भइरहेको समाजका सहायक प्रशिक्षक जीवन क्षेत्रीले जानकारी गराएको छ । टोलीको प्रशिक्षकमा अध्यक्ष सुभास लामिछाने नै टिम व्यवस्थापकमा चकलेटी अर्जुन रहेका छन् ।

June 22, 2024

विपना र अरहान्तलाई उपाधि

काठमाडौं (हाम्रो खेलकुद) – दोस्रो वरीयताकी विपना ब्लोन र शीर्ष वरीयता प्राप्त अरहान्त केशर सिम्हाले प्रथम एनएसआरए प्रेसिडेन्ट कप खुल्ला राष्ट्रिय स्क्वास च्याम्पियनसिपको उपाधि जितेका छन् । नेपाल स्क्वास एन्ड र्‍याकेट्स संघको आयोजनामा सातदोबाटोस्थित नेपाल स्क्वास र्‍याकेट्स संघको आफ्नै भवनमा रहेको स्क्वास कोर्टमा शनिबार भएको पुरुष एकलको फाइनलमा अरहान्तले दोस्रो वरीयताका अमिर ब्लोनलाई ३–० को […]

June 22, 2024

अपहिल केडिसी रनमा नरेन्द्र र पूर्णलक्ष्मी पहिलो

काठमाडौं (हाम्रो खेलकुद) – नेपाल आर्मीकाद्वय नरेन्द्रसिंह रावत र पूर्णलक्ष्मी न्यौपाने राष्ट्रिय खुल्ला अपहिल केडिसी रनमा शनिबार पहिलो भएका छन् । २१ किलोमिटर दूरीको दौडमा नरेन्द्र पुरुषतर्फ र पूर्णलक्ष्मी महिलामा पहिलो भएका हुन् । नरेन्द्रले निर्धारित दूरी १ घण्टा १९ मिनेट ५१ सेकेन्डमा पूरा गरे । दोश्रो भएका करण रावलले १ घण्टा २१ मिनेट ५५ […]

June 21, 2024

अस्ट्रेलियामा सर्वाधिक धनराशीको भलिबल प्रतियोगिता हुने

सिड्नी – अस्ट्रेलियाको मेलबर्नमा सर्वाधिक धनराशीको पुरुष भलिबल प्रतियोगता ‘ग्लोबल मिट कप २०२४’ आयोजना हुने भएको छ । एलिट गोर्खा स्पोर्ट्स क्लबको आयोजना तथा ग्लोबल मिट एजुकेशन एण्ड भिषा सर्भिसको मुख्य प्रायोजनमा खुल्ला पुरुष तथा ३५ बर्षमाथि गरि दुई विधाको ‘ग्लोबल मिट कप २०२४’ आगामी जुन ३० तारिखमा हुन लागेको हो । एक दिने प्रतियोगिता […]

Success

Thank you for your time.