default_image

2 weeks ago

June 8, 2024

एभरेस्टलाई हराउँदै पुलिस च्याम्पियन

826 views

0 Bookmark

काठमाडौं (हाम्रो खेलकुद) – आरबीबी एनभिए महिला तथा पुरुष भलिबल च्याम्पियनसिपको च्याम्पियन एभरेस्ट भलिबल क्लब बुटवललाई पराजित गर्दै विभागीय नेपाल पुलिस क्लब आठौं पिएम एनभिए भलिबल लिगको महिलातर्फ च्याम्पियन बनेको छ ।

शनिबार भएको रोमाञ्चक र प्रतिस्पर्धात्मक खेलमा नेपाली राष्ट्रिय टोलीका कप्तान अरुणा शाहीसहित तीन भारतीय राष्ट्रिय टोलीका खेलाडी सम्मिलित एभरेस्टलाई ३–२ को सेटमा पराजित गर्दै पुलिस च्याम्पियन बन्न सफल भएको हो ।

सुरुवाती दुई सेट जितेको पुलिसले त्यसपछिको दुई सेट गुमाएपनि पाँचौं सेट आफ्नो पक्षमा पार्दै उपाधि जित्न सफल भयो । यस जितसँगै पुलिसले लिग चरणमा भोगेको हारको बदला लिएको छ । लिग चरणमा एभरेस्ट ३–१ को सेटमा विजयी भएको थियो ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा भएको फाइनलको पहिलो सेट पुुलिसले २५–२१ ले जित्यो । दोस्रो सेट पनि २५–२३ ले जित्दै पुलिस उपाधितर्फ लम्कियो । तर, त्यसपछिको दुवै सेट एभरेस्टलाई २०–२५ र २०–२५ ले सुम्पदा खेल पाँचौं सेटमा लम्बियो । यि दुई सेटमा पुलिसको कमजोर प्रदर्शन रहँदा एभरेस्टले आफ्नो प्रदर्शनमा सुधार गरेको थियो ।

निर्णायक तथा पाँचौ सेट निकै रोमाञ्चक रहँदा पुलिसले १५–१२ ले बाजी मार्न सफल भयो । ६–७ को स्थितिमा निशा चौधरीको सर्भिस बाहिरियो । त्यसपछि कमला पुनको सर्भिसलाई मीना सुनारले बचाउन नसक्दा पुलिसले खेलमा अग्रता बनाउन सफल भयो ।

त्यसपछि १०–१० को बराबरीको स्थितिमा केपी अनुश्रीको स्पाइक बाहिरिदा र लगत्तै सुर्याको स्पाइक ब्लक हुँदा पुलिसले खेलमा १२–१० को अग्रता बनाउँदा जितको आधार तय बन्यो । त्यसपछि उषा भण्डारीले स्पाइकबाट दुई र सर्भिसबाट एक अंक बटुलेपछि पुलिस च्याम्पियन बन्न सफल भयो ।

पुलिससँगको हारसँगै एभरेस्ट कुनै पनि राष्ट्रिय प्रतियोगिता लगातार जित्नबाट वञ्चित बन्यो । एभरेस्ट गत चैतमा भएको आठौं आरबीबी एनभिए महिला तथा पुरुष भलिबल च्याम्पियनसिपमा पुलिसलाई हराउँदै च्याम्पियन बनेको थियो ।

उपाधिसँगै पुलिसले ८ लाख रुपैयाँ, ट्रफी मेडल र प्रमाणपत्र प्राप्त गरेको छ । दोस्रो भएको एभरेस्टले ४ लाख, ट्रफी, मेडल र प्रमाणपत्र पाएको छ । तेस्रो भएको एपिएफले २ लाख रुपैया हात पारेको छ । सर्वोत्कृष्ट खेलाडीले ५० हजार, उत्कृष्ट लिबेरो, सर्भर, ब्लकर, सेटर, स्पाइकर र प्रशिक्षकले जनही २० हजार रुपैयाँ प्राप्त गर्नेछन् ।

आज नै पुरुषतर्फको फाइनल हुँदैछ । फाइनलमा साविक विजेता टिप टप हेल्प नेपाल स्पोर्ट्स क्लब र गण्डकी प्रदेश भलिबल संघले प्रतिस्पर्धा गर्दैछ । गण्डकीको २० र हेल्प नेपालको १९ अंक रह्यो । लिग चरणमा गण्डकीले हेल्प नेपाललाई ३–२ ले हराएको थियो ।

यस्तै महिलातर्फ नेपाल एपिएफ क्लबले तेस्रो स्थान हात पार्यो । शनिबार बिहान भएको खेलमा त्रिभुवन आर्मी क्लबलाई सोझो सेट २५-१९, २५-२० र २५-१९ ले पराजित गर्दै एपिएफ तेस्रो भएको हो ।

पुरुषतर्फ नेपाल पुलिस क्लबले तेस्रो स्थान हासिल गरेकाे छ । शनिबार नै भएको तेस्रो स्थानको खेलमा त्रिभुवन आर्मी क्लबलाई ३-२ ले गर्दै पुलिस तेस्रो भएको हो । पुलिसले आर्मीमाथि ३१-२९, १३-२५, २२-२५, २५-२३ र १५-८ को स्कोरलाइन सेटमा परास्त गरेको हो ।

June 21, 2024

अस्ट्रेलियामा सर्वाधिक धनराशीको भलिबल प्रतियोगिता हुने

सिड्नी – अस्ट्रेलियाको मेलबर्नमा सर्वाधिक धनराशीको पुरुष भलिबल प्रतियोगता ‘ग्लोबल मिट कप २०२४’ आयोजना हुने भएको छ । एलिट गोर्खा स्पोर्ट्स क्लबको आयोजना तथा ग्लोबल मिट एजुकेशन एण्ड भिषा सर्भिसको मुख्य प्रायोजनमा खुल्ला पुरुष तथा ३५ बर्षमाथि गरि दुई विधाको ‘ग्लोबल मिट कप २०२४’ आगामी जुन ३० तारिखमा हुन लागेको हो । एक दिने प्रतियोगिता […]

June 20, 2024

चर्च ब्वाइजले एएफसी च्यालेन्ज लिग प्रारम्भिक छनोटमा पारो एफसी विरुद्ध खेल्ने

काठमाडौं (हाम्रो खेलकुद) – पछिल्लो सिजन सहिद स्मारक ए डिभिजन लिग विजेता टोली चर्च ब्वाइज युनाइटेड एसियाली फुटबलको तेस्रो तहको महाद्वीपीय प्रतियोगिता एएफसी च्यालेन्ज लिगबाट एक जित टाढा रहेको छ । एएफसीले सार्वजनिक गरेको छनोट यात्रा अनुसार चर्च ब्वाइजले भुटानी लिग विजेता पारो फुटबल क्लब विरुद्धको छनोट खेल आयोजना गर्ने भएको हो । खेल अगस्ट […]

June 17, 2024

बंगलादेशविरुद्ध जितका लागि नेपाललाई १ सय ७ रनको लक्ष्य

किंग्सटाउन (हाम्रो खेलकुद) – आइसिसी टि-२० विश्वकप अन्तर्गत समूह चरणको अन्तिम खेलमा नेपालले टेस्ट राष्ट्र बंगलादेश विरुद्ध १ सय ७ रनको लक्ष्य पाएको छ । टस हारेर पहिला ब्याटिङको निम्तो पाएको बंगलादेशले निर्धारित २० ओभरमा विकेट गुमाउँदै १ सय ६ रन बनाएपछि नेपालले सो लक्ष्य पाएको हो । दक्षिण अफ्रिका विरुद्ध १ रनको झिनो हार […]

Success

Thank you for your time.