default_image

2 weeks ago

June 10, 2024

छन्त्याल र ढोरपाटनलाई भलिबल उपाधि

1595 views

0 Bookmark

सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् ।

छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो ।

ओबर्न बास्केटबल सेन्टर लिडकममा आइतबार भएको एक दिने प्रतियोगिता अन्तरगत पुरुषतर्फको फाइनलको पहिलो सेटमा १०–१७ ले पछि रहेको स्थिति उल्ट्याएर छन्त्यालले खेललाई २३–२३ को बराबरीमा ल्याउँदै २६–२४ ले आफ्नो पक्षमा पार्न सफल भयो ।

प्रतिस्पर्धात्मक दोस्रो सेट छन्त्यालले २३–२५ ले तथा तेस्रो सेट १५–२५ ले गुमाउन पुग्यो । त्यसपछि छन्त्यालले चौथो सेट २५–२२ तथा पाँचौं सेट १५–११ ले आफ्नो पक्षमा पार्दै उपाध जित्न सफल भयो ।

छन्त्यालले ६ प्रतियाेगितापछि उपाधि जित्न सफल भएकाे हाे । गत वर्ष माेनाले नै आयाेजना गरेकाे प्रतियाेगितापछि छन्त्यालले अस्ट्रलियामा भएकाे प्रतियाेगिताकाे उपाधि जित्न सकेकाे थिएन ।

उपाधिसँगै छन्त्यालले २ हजार ५ सय अस्ट्रेलियन डलरसँगै शिल्ड, मेडल र प्रमाणपत्र प्राप्त गरेको छ । दोस्रो भएको मोनाले १ हजार ३ सय अस्ट्रेलियन डलरसँगै शिल्ड, मेडल र प्रमाणपत्र पाएको छ ।

महिलातर्फ ढोरपाटन क्लब अस्ट्रेलिया पहिलो र पोखरा भलिबल क्लब दोस्रो भएको छ । पहिलो भएको ढोरपाटनले १ हजार २ सय अस्ट्रेलियन डलरसँगै शिल्ड, मेडल र प्रमाणपत्र प्राप्त गरेको छ । दोस्रो भएको पोखराले ७ सय अस्ट्रेलियन डलरसँगै शिल्ड, मेडल र प्रमाणपत्र प्राप्त गरेको छ । पुरुषतर्फ मोनाका पारस भण्डारी सर्वाेत्कृष्ट खेलाडी घोषित भए । उनले ट्रफीसँगै मेडल र प्रमाणपत्र पाए ।

बास्केटबलतर्फ वाइल्ड याक्स पहिलो र डाउन टाउन स्लायर्स दोस्रो भए । विजेता वाइल्डले २ हजार २ सय अस्ट्रेलियन डलरसँगै शिल्ड, मेडल र प्रमाणपत्र प्राप्त गरेको छ । दोस्रो भएको डाउन टाउनले १ हजार २ सय अस्ट्रेलियन डलरसँगै शिल्ड, मेडल र प्रमाणपत्र प्राप्त गरेको छ । वाइल्डका असिम श्रेष्ठ सर्वाेत्कृष्ट खेलाडी चुनिए ।

पुरुषतर्फ भलिबलमा १३ टोलीको सहभागिता रहेको थियो । महिलामा पाँच तथा बास्केटबलमा १० टोलीले प्रतिस्पर्धा गरेका थिए ।

प्रतियोगितालाई स्टुडेन्ट भाइब्सले मुख्य प्रायोजन गरेको थियो । यस्तै प्रतियोगितालाई एएलडी कर्पाेरेट, तृप्ति फाउन्डेसन, एसटिएम बिल्डिङ सर्भिस, नेपमार्ट, बिग वाई क्लिनिङ, हरि क्षेत्री, केसी एकाउन्टिङ, म्याग्दी रेमिट, टच क्लिनिङ सोलुसन, डिबि सर्भिस ग्रुप, डेली फ्रेस क्याफे, लालटिन र बुद्ध ज्वेलर्सले प्रायोजन गरेको थियो ।

June 21, 2024

अस्ट्रेलियामा सर्वाधिक धनराशीको भलिबल प्रतियोगिता हुने

सिड्नी – अस्ट्रेलियाको मेलबर्नमा सर्वाधिक धनराशीको पुरुष भलिबल प्रतियोगता ‘ग्लोबल मिट कप २०२४’ आयोजना हुने भएको छ । एलिट गोर्खा स्पोर्ट्स क्लबको आयोजना तथा ग्लोबल मिट एजुकेशन एण्ड भिषा सर्भिसको मुख्य प्रायोजनमा खुल्ला पुरुष तथा ३५ बर्षमाथि गरि दुई विधाको ‘ग्लोबल मिट कप २०२४’ आगामी जुन ३० तारिखमा हुन लागेको हो । एक दिने प्रतियोगिता […]

June 20, 2024

चर्च ब्वाइजले एएफसी च्यालेन्ज लिग प्रारम्भिक छनोटमा पारो एफसी विरुद्ध खेल्ने

काठमाडौं (हाम्रो खेलकुद) – पछिल्लो सिजन सहिद स्मारक ए डिभिजन लिग विजेता टोली चर्च ब्वाइज युनाइटेड एसियाली फुटबलको तेस्रो तहको महाद्वीपीय प्रतियोगिता एएफसी च्यालेन्ज लिगबाट एक जित टाढा रहेको छ । एएफसीले सार्वजनिक गरेको छनोट यात्रा अनुसार चर्च ब्वाइजले भुटानी लिग विजेता पारो फुटबल क्लब विरुद्धको छनोट खेल आयोजना गर्ने भएको हो । खेल अगस्ट […]

June 17, 2024

बंगलादेशविरुद्ध जितका लागि नेपाललाई १ सय ७ रनको लक्ष्य

किंग्सटाउन (हाम्रो खेलकुद) – आइसिसी टि-२० विश्वकप अन्तर्गत समूह चरणको अन्तिम खेलमा नेपालले टेस्ट राष्ट्र बंगलादेश विरुद्ध १ सय ७ रनको लक्ष्य पाएको छ । टस हारेर पहिला ब्याटिङको निम्तो पाएको बंगलादेशले निर्धारित २० ओभरमा विकेट गुमाउँदै १ सय ६ रन बनाएपछि नेपालले सो लक्ष्य पाएको हो । दक्षिण अफ्रिका विरुद्ध १ रनको झिनो हार […]

Success

Thank you for your time.