default_image

2 weeks ago

July 11, 2024

मानबहादुर फेवा एजुकेशन एण्ड माइग्रेसनको ब्रान्ड एम्वासडर

1571 views

0 Bookmark

सिड्नी (हाम्रो खेलकुद) – नेपाली राष्ट्रिय पुरुष भलिबल टोलीका कप्तान मानबहादुर श्रेष्ठ अस्ट्रेलियाको सिड्नीमा रहेको फेवा एजुकेशन एण्ड माइग्रेसनको ब्रान्ड एम्वासडरमा नियुक्त भएको छ ।

फेवा एजुकेशन एण्ड माइग्रेसनले कप्तान तथा स्पाइकर मानबहादुर श्रेष्ठलाई दुई वर्षको लागि ब्रान्ड एम्वासडरमा नियुक्त गरेको हो । फेवा एजुकेशन एण्ड माइग्रेसनका निर्देशक योगेश श्रेष्ठ र मान बहादुरले सम्झौता पत्रमा हस्ताक्षर गर्दै आदान–प्रदान गरे ।

सम्झौता अनुसार मानबहादुरले दुई वर्षमा झन्डै ९ लाख रुपैयाँ बराबरको सुविधा प्राप्त गर्नेछ । यसमा वर्षमा दुई पटक (दुई वर्षमा चार पटक) नेपाल–अस्ट्रेलिया तथा अस्ट्रेलिया–नेपालको हवाई सुविधा समावेश छ ।

सम्झौता कार्यक्रममा फेवा एजुकेशन एण्ड माइग्रेसनका अर्का निर्देशक दिनेश खनालको पनि उपस्थिति रहेको थियो ।मानबहादुर पछिल्लाे दुई साता यता अस्ट्रेलियामा रहेका छन् । उनले गत ३० जुनमा अस्ट्रेलियाको मेलवर्नमा आयाेजना भएको सर्वाधिक धनराशिको एक दिने ‘ग्लोबल मिट कप २०२४’ मा सहभागिता जनाएका थिए ।

म्याग्दी काली युनाइटेडबाट खेलेका उनले आफ्नो टोलीलाई च्याम्पियन बनाउन अलराउन्डर प्रदर्शन गरेका थिए । उनी उक्त प्रतियोगितामा सर्वाेत्कृष्ट खेलाडी चुनिएका थिए । अस्ट्रेलिया आउनुअघि मानबहादुरले जापानमा भएको भलिबल प्रतियोगितामा पनि सहभागिता जनाएका थिए । त्यसपछि उनी अस्ट्रेलिया आएका हुन् ।

त्रिभुवन आर्मी क्लबबाट घरेलु भलिबल खेल्दै आएका मानबहादुर नेपाली राष्ट्रिय पुरुष भलिबल टाेलीका ११औं कप्तान हुन् । उनी गत साउनमा नेपाली टाेलीकाे कप्तान बनेका थिए । सन् २०१५ मा बंगलादेशमा सम्पन्न एभिसी सेन्ट्रल जोनबाट राष्ट्रिय टोलीमा डेब्यु गरेका मानबहादुर त्यसयता निरन्तर टोलीमा रहेका छन् ।

उनी सन् २०१७ मा नेपालले पहिलो अन्तर्राष्ट्रिय पदक जित्दा पनि टोलीका सदस्य थिए । त्यसबेला नेपालले माल्दिभ्समा सम्पन्न प्रतियोगितामा कास्य पदक जितेको थियो । सन् २०१९ मा नेपालमै सम्पन्न सेन्ट्रल जोनमा बाहेक उनी राष्ट्रिय टोलीबाट निरन्तर खेल्दै आएका छन् ।

मानबहादुर १३औं दक्षिण एसियाली खेलकुदमा नेपालको राष्ट्रिय बिच भलिबल टोलीका कप्तान थिए । उनी र दिल सुनारकाे जाेडीले दुई वर्षअघि काभा बिच भलिबलमा नेपाललाई रजत पदक दिलाएका थिए ।

July 22, 2024

रसियासँग नेपालको अर्काे हार

काठमाडौं (हाम्रो खेलकुद) – काभा नेसन्स लिगको तयारीमा रहेको नेपाली महिला राष्ट्रिय भलिबल टोलीले रसियन टोलीसँग अर्काे हार बेहोरेको छ । यससँगै नेपालले दुई मैत्रीपुर्ण खेलकाे सिरिज रसियालाई २–० ले सुम्पिएकाे छ । सोमबार भएको दोस्रो खेलमा नेपाल ३–० को सोझो सेटमा पराजित हुन पुग्यो । यसअघि आइतबार भएको पहिलो खेलमा पनि नेपालले ३–० कै […]

July 18, 2024

एपिएफ र पुलिस विजयी

काठमाडौं (हाम्रो खेलकुद) – ललित स्मृति यु-१८ लिगमा बिहीबार नेपाल एपिएफ क्लब र नेपाल पुलिस क्लब विजयी भएका छन् । लिग सिजनको पहिलो जित दर्ता गर्ने क्रममा एपिएफले सातदोबाटो माथि २-१ को जित हात पारेको हो । जितमा विकास टिटुङ र किशोर गुरुङले १-१ गोल गरे । सातदोबाटोका लागि योहान्ना लिम्बूले अन्तिम समयमा १ गोल […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

Success

Thank you for your time.