काठमाडौं (हाम्रो खेलकुद)- अन्तर्राष्ट्रिय स्पोर्टस् ब्रान्ड एक्स स्टेपको नयाँ आउटलेट काठमाडौंको कोटेश्वरमा शनिवार सुरु भएको छ।

नेपाली राष्ट्रिय भलिबल भलिबलका टोलीका केही खेलाडीसहित माल्दिभ्स मा आयोजना हुने काभा क्लब च्याम्पियनसिप खेल्ने तयारीमा रहेको नेपाल पुलिस क्लबका खेलाडी, प्रशिक्षक र अफिसियल टोलीको एक्स स्टेप आउटलेटको संयुक्तरुपमा उद्घाटन गरेका थिए।

एक्स स्टेपको नेपालका लागि आधिकारिक विक्रेता रेन्बो प्रालिका प्रबन्ध निर्देशक गणेश श्रेष्ठले टोलीका सबैलाई एक्स स्टेपका जुत्ता र गिफ्ट भाउचर प्रदान गरेका थिए।

सो‌ अवसरमा‌ गत महिना काभा बीच भलिबल च्याम्पियनसिप स्वर्ण जित्ने पुलिसका कमला पुन‌ र मनीषा चौधरी, काभा नेसन्स लिगको रजत पदक विजेता टोलीलाई बधाई दिदै पुलिसलाई शुभकामना दिएको थियो।

एक्स स्टेपको जुत्तामा ६ महिनाको वारिन्टी दिइने एक्स स्टेप कोटेश्वरको संचालक‌ कम्पनी अस्त्र ट्रेडिङ प्रालिका प्रविण श्रेष्ठले जानकारी दिए ।

पुलिस काभा क्लब च्याम्पियनसिपका लागि भदौ २७ गते‌ माल्दिभ्स जाने बताइएको छ । पुलिसले च्याम्पियनसिपका लागि मात्र राष्ट्रिय टोली तथा एपिएफकी सरस्वती चौधरी, निरुता ठगुन्ना र टिप‌ टप न्यु डायमण्डकी सुमित्रा रेग्मीलाई अनुबन्ध गरेको छ।

कार्यक्रममा पुलिस टोलीका साथ सरस्वती र निरुता पनि रहेका थिए। काठमाडौं, धरान, पोखरामा गरि एक्स स्टेपको यो १२ औं आउटलेट रहेको बताइएको छ।