9 years ago
February 27, 2017
काठमाडौं (हाम्रो खेलकुद)– गिनिज बुक अफ वल्र्ड रेकर्डमा समेटिएका पूर्व खेलाडी एवंम् एथलेटिक्सका प्रशिक्षक हरिबहादुर रोकाया गजराज जोशी स्मृती आदर्श खेल व्यक्तित्वबाट सम्मानित हुने भएका छन् ।
संसारकै सबैभन्दा अग्लो ठाँउमा हुने एभरेष्ट म्याराथन जित्ने क्रममा रोकायाले सन् २००० मा राखेको ३ घन्टा ५० मिनेट २३ सेकेन्डको कीर्तिमन गिनिज बुकमा उल्लेख छ । ५ हजार ३ सय ८० मिटरमा रहेको एभरेष्ट बेस क्याम्पबाट सुरु भइ नाम्चे पुगेर टुंगिने एभरेष्ट म्याराथन तीन पटक जित्ने रोकाया एकमात्र खेलाडी हन् । तीनै रोकायालाई नेपाल राष्ट्रिय तथा अन्तराष्ट्रिय खेलाडी संघ (एनएनआइपिए) ले मंगलबार राजधानीमा आयोजना हुने एनएनआइपिए उत्कृष्ट बर्ष खेलाडी सम्मान कार्यक्रममा सम्मान गर्ने सोमबार पत्रकार सम्मेलनमार्फत संघका सदस्य दीपक थापाले जानकारी दिए ।
स्व. गजराज जोशी फाउन्डेशनले स्थापना गरेको गजराज जोशी स्मृती आदर्श खेल ब्यक्तित्व सम्मान २५ हजार रुपैयाँसहित ट्रफी र ब्यानेटबाट रोकायालाई सम्मान गरिने बताइएको छ । बर्ष खेलाडी सम्मान कार्यक्रममा १२ औं सागमा समावेश गरिएका खेलहरुलाई आधार मान्दै र सम्बन्धित संघको उत्कृष्ट खेलाडीको रुपमा सिफारिस गरिएका खेलाडी सम्मान गरिने संघका अध्यक्ष दीपक विष्टले बताए । विगत १० बर्ष देखि खेलाडीहरुको हौसला अभिबृद्धि तथा प्रेरणा प्रदान गर्ने उद्धेश्यले १० औं एनएनआईपिए उत्कृष्ट बर्ष खेलाडी २०७२ सम्मान कार्यक्रम आयोजना गर्दै आईरहको संघका महासचिव दीपक श्रेष्ठले बताए ।
मनोरञ्जनात्मक कार्यक्रम सहित आयोजना गरिने कार्यक्रमा २२ खेलाडी उत्कृष्ट खेलाडी सम्मानित हुनेछन्। यसरी सम्मानित हुनेमा भारोत्तोलनका विकास थापा, फुटबलका नवयुग श्रेष्ठ, भलिबलकी सरस्वती चौधरी, तेक्वान्दोका वीर बहादुर महरा, कुस्तीका सरोज यादव, आर्चरीका प्रेम प्रसाद पुन, स्क्वासका अरहान्त सिंह, बक्सिङ्गकी सरस्वती राना, ब्याडमिन्टनकी नङ्गशल देवी तामाङ्ग, जुडोकी फुपुल्हामु खत्री, सुटिङ्गकी स्नेहा राज्यलक्ष्मी राणा, साईक्लिङ्गका अजय पण्डित छन् ।
त्यस्तै ट्राईथलनकी रोजा के.सी., कबड्डीका शान्ति मल्ल, लनटेनिसका अभिषेक बास्तोला रहेका छन् । यस्तै हक्कीकी कुश्मा रानामगर, खोखोकी अर्पणा कुमारी महतो, पौडीकी गौरिका सिंह, उसुकी नीमा घर्ती मगर, टेबल टेनिसका दीप साउन, ह्याण्डबलकी रञ्जना राई र एथलेटिक्सकी हरिकुमार रिमाल पनि सम्मानित हुने भएका छन् । सम्मानित हुने खेलाडीले खेलाडी संघबाट ५ र राष्ट्रिय संघबाट ५ हजार गरि १० हजार रुपैयाँ पाउनेछन् ।
December 1, 2025
काठमाडौं (हाम्रो खेलकुद)- दक्षिण अफ्रिकाका पूर्व कप्तान फाफ डु प्लेसिस आज नेपाल आइपुगेका छन्। दोस्रो नेपाल प्रिमियर लिग (एनपिएल) खेल्ने उनी सबै हाई प्रोफाइल खेलाडी हुनेछन्। उनलाई आज त्रिभुवन अन्तर्राष्ट्रिय विमानस्थलमा नेपाल क्रिकेट संघ (क्यान) का प्रवक्ता छुम्पी लामा तथा विराटनगर किंग्सका पदाधिकारीले स्वागत गरे। विमानस्थलमा नै पत्रकारसँग बोल्दै फाफले भने, ‘म यहाँ केही छोटो […]
December 1, 2025
एजेन्सी – रियल माड्रिड ला लिगामा लगातार तेस्रो खेल पनि बराबरीमै रोकिएको छ। आइतबार जिरोनासँग १-१को खेल बराबरी खेलेपछि रियलले शीर्ष स्थानमा फर्कने मौका गुमाएको छ। खेलको सुरुवातमै रियल निकै आक्रामक देखियो। एम्बाप्पेले २ वटा राम्रा मौका गुमाए भने भिनिसियसको शट पनि क्रसबार माथि गयो। मिलिताओको बलियो हेड गोलरक्षकले रोकिदिँदा रियलले अग्रता लिने अवसर फरि […]
November 26, 2025
एजेन्सी – बायर लेभरकुसेनले च्याम्पियन्स लिगमा मंगलवार म्यानचेस्टर सिटीलाई २-० ले पराजित छ। योसँगै सिटीको लिग चरणमा रहेको सात वर्षको घरेलु अपराजित यात्रा समाप्त भएको छ। एलेहान्द्रो ग्रिमाल्डो र पात्रिक शिकको गोलमा लेभरकुसनको जित सम्भव भएको हो। खेलको सुरुवातमै सिटीले अग्रता लिनसक्ने मौका पाएको थियो। तर नाथन एके को प्रहारलाई लेभरकुसेनका गोलरक्षक मार्क फलेकनले उत्कृष्ट […]
