7 years ago
March 21, 2017
काठमाडौँ (हाम्रो खेलकुद) – राष्ट्रिय खेलकुद परिषद् (राखेप) का सदस्य सचिव केशवकुमार विष्टले राष्ट्रिय टिम तयारीमा रहेका खेलाडीहरुसंग मंगलबार भेट गरेका छन्। सम्बन्धित खेलका मुख्य प्रशिक्षक, राष्ट्रिय टिम तयारीका प्रशिक्षकलगायतको उपस्थितिमा त्रिपुरेश्वरस्थित दशरथ रंगशालामा खेलाडीलाई भेट गरी तालिमका विषयमा सदस्य–सचिव विष्टले जानकारी लिएका थिए। सो अवसरमा सदस्य–सचिव विष्टले खेलाडीलाई अनुशासनमा विशेष ध्यान दिन सुझाउदै खेल […]
काठमाडौँ (हाम्रो खेलकुद) – राष्ट्रिय खेलकुद परिषद् (राखेप) का सदस्य सचिव केशवकुमार विष्टले राष्ट्रिय टिम तयारीमा रहेका खेलाडीहरुसंग मंगलबार भेट गरेका छन्। सम्बन्धित खेलका मुख्य प्रशिक्षक, राष्ट्रिय टिम तयारीका प्रशिक्षकलगायतको उपस्थितिमा त्रिपुरेश्वरस्थित दशरथ रंगशालामा खेलाडीलाई भेट गरी तालिमका विषयमा सदस्य–सचिव विष्टले जानकारी लिएका थिए।
सो अवसरमा सदस्य–सचिव विष्टले खेलाडीलाई अनुशासनमा विशेष ध्यान दिन सुझाउदै खेल सामाग्रीको गुणस्तरमा राखेपले कुनै सम्झौता नगर्ने प्रतिबद्धता जनाए।
‘खेलाडीले अनुशासनमा विशेष ध्यान दिन जरुरी छ। यदि खेलाडीले त्यसमा ध्यान नदिएको पाइएमा प्रशिक्षकलाई पनि कार्वाही हुनेछ।’ सदस्य–सचिव विष्टले भने– ‘प्रशिक्षणमा खेलाडीलाई कस्तो सामाग्री खाँचो पर्छ। प्रशिक्षकहरुले विवरण बुझाइ दिनुस्। सामाग्रीमा कुनै ‘कम्प्रोमाइज’ गरिने छैन।’
सदस्य–सचिव विष्टले खेलाडीलाई आ–आफ्नो असन्तुष्टी अन्यत्र नभइ सम्बन्धित निकायमा आएर भन्न आग्रह गर्दै सीमित श्रोतले गर्दा चाहेर पनि खेलाडीलाई भने जस्तो सुविधा दिन नसकेको बताए। उनले सुविधाले मात्र नतिजा हासिल गर्न नसकिने बताउदै त्यसका लागि इच्छाशक्ति पनि आवश्यक रहने धारणा व्यक्त गरे। उनले खेलाडीलाई संघको विवादमा ध्यान नदिइ आफ्नो प्रशिक्षणमा केन्द्रित हुन सुझाउदै दशरथ रंगशालाको भीआईपी प्यारापिट भत्काउने प्रकृयामा रहेकाले खेलाडीको प्रशिक्षणका लागि अन्यत्र उपयुक्त स्थान खोचिने बताए।
फागुन २६ गतेदेखि सुरु राष्ट्रिय टिम तयारीमा हाल विभिन्न ११ खेलका ८३ पुरुष र ७० महिला खेलाडी प्रशिक्षणमा सहभागी छन्। राष्ट्रिय टिम तयारीमा समावेश खेलमा उसु, तेक्वान्दो, कराते, एथलेटिक्स, बक्सिङ, भारोत्तोलन, टेबलटेनिस, सुटिङ, ब्याडमिन्टन, आर्चरी र जुडो रहेका छन्।
‘सबै खेलको तयारी हाल उपत्यका केन्द्रित छ,’ राष्ट्रिय टिम तयारीका निर्देशक रिम रानाभाटले जानकारी गराउदै भने, ‘कुस्तीको हकमा सबै खेलाडी तराइकै भएकाले कुस्तीको प्रशिक्षण तराईमै गर्ने सोचमा छौं। त्यसैले कुस्तीको प्रशिक्षण सुरु गरेका छैनौं।’
कुस्तीमा समान ८–८ पुरुष/महिला खेलाडीलाई तयारीमा राखिने छ। रानाभाटले पौडी र ट्रायथलनको प्रशिक्षण पनि चाँडै सुरु गरिने बताउदै खेलाडी संख्या पनि थप हुन सक्ने जानकारी गराए।
सातौं राष्ट्रिय खेलकुद र १२ औं दक्षिण एसियाली खेलकुद (साग) को प्रदर्शनका आधारमा खेलाडीलाई राष्ट्रिय टिम तयारीमा सामेल गरिएको हो। विभिन्न अन्तर्राष्ट्रिय प्रतियोगितालाई लक्षित गरी २०६९ साल साउनदेखि राष्ट्रिय टिम तयारी थालिएको थियो। पछिल्लोपटक भारतमा भएको १२ औं सागमा सहभागी हुने खेलाडीको बन्द प्रशिक्षणपछि राष्ट्रिय टिम तयारी रोकिएको थियो।
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]