काठमाडौं (हाम्रो खेलकुद) – पाँचौं दक्षिण एशियाली ट्रायथलन च्याम्पियनसिप – २०१७ को उपाधि भारतका गुरुदत्त र पल्लवी रेतिवालाले जितेका छन् । पर्यटकीय नगरी पोखरामा शनिबार भएको च्याम्पियनसिपमा १२ औं दक्षिण एसियाली खेलकुद (साग) का गोलमेडलिष्ट भारतका दिलिप कुमारलाई पछि पार्दै उपाधि जितेका हुन् ।

गुरुदत्तले स्प्रिन्टको ७५० मिटर पौडी, १० कि.मि. साईक्लिङ र ५ किमि दौड ५४ मिनेट ५१ सेकेन्डमा पुरा गरे । दोस्रो भएका दिलिपले ५५ मिनेट ५९ सेकेन्डमा दूरी पुरा गरे । तेस्रो स्थानमा आएका नेपालका बशन्त थारुले दूरी ५६ मिनट १२ सेकेन्डमा पुरा गरे । महिलातर्फको प्रतिस्पर्धामा १२ औं दक्षिण एशियाली खेलकुदकी स्वर्ण धारी पल्लली रेतिवालाले १ घन्टा १ मिनेट ३ सेकेन्डमा दुरी पूरा गरिन् । दोस्रो भएकी नेपालकी सोनी गुरुङले १ घन्टा ६ मिनेट २ सेकेन्डमा पुरा गरिन् । १२ औं दक्षिण एशियाली खेलकुदमा तेस्रो स्थान हात पार्न सफल रोजा केसी १ घन्टा ८ मिनट ४ सेकेन्डमा पुरा गर्दै तेस्रो नै भईन् ।

यस्तै छैटौं राष्ट्रिय ट्रायथलन प्रतियोगितामा नेपाल आर्मीले पुरुष तर्फको तीनै स्थान हात पारे । सेनाका बशन्त थारुले ५६ मिनेट १२ सेकेन्डमा साथ स्वर्णपदक प्राप्त गरे । दोस्रो स्थानमा रहेका हिमाल टमाटाले ५८ मिनट १ सेकेन्ड र तेस्रो स्थानमा रहेका रुद्र कटुवालले ५८ मिनेट ४८ सेकेन्डमा पुरा गरे । महिला तर्फको राष्ट्रिय प्रतिस्पर्धामा एपिएफकी सोनी गुरुङले स्वर्ण जितिन् । उनले १ घन्टा ६ मिनेट २ सेकेन्डमा दूरी पुरा गरिन् । दोस्रो स्थानमा रहेकी रोजाले १ घन्टा ८ मिनट ४ सेकेन्डमा दूर िपुरा गरिन् भने सेनाकी यम कुमारी भुजेलले १ घन्टा १८ मिनट ५९ सेकेन्डमा दूरी पुरा गर्दै तेस्रो भईन् ।

च्याम्पियनसिपको दुवाथलन तर्फको प्रतिस्पर्धामा नेपाली सेनाका मान बहादुर थापाले ५ किमी दौड, २० किमी साईक्लिङ र २.५ किमी दौड १ घन्टा १ मिनट र ३९ सेकेन्डमा पुरा गर्दै स्वर्ण जिते । एपिएफका किरण कुमार मल्लले १ घन्टा ३ मिनट र ४५ सेकेन्डमा साथ रजत र सेनाका अच्युत पराजुलीले १ घन्टा ३ मिनट र ५१ सेकेन्डका साथ कास्य हात पारे । महिलातर्फ आर्मीकी मन्जुकुमारी खड्काले उक्त दूरी १ घन्टा १७ मिनेट ५० सेकेन्डका साथ स्वर्ण र पुष्पाकुमारी भण्डारीले १ घन्टा १८ मिनट २० सेकेन्डका साथ रजत जितिन् । यस्तै जुनियर पुरुषतर्फ काठमाडौंका नितेश मानन्धरले १ घन्टा १ मिनेट र ४१ सेकेन्डका साथ स्वर्ण, देवेश मानन्धरले १ घन्टा २ मिनेट ४३ सेकेन्डका साथ रजत पाए । महिलातर्फ रोजाले १ घन्टा ८ मिनेट ४ सेकेन्डका साथ पहिलो स्थान हात पारिन् ।

च्याम्पियनसिपको उद्घाटन गर्दै मन्त्री श्रीपालीले खेल साहसिक र पर्यटकीय खेलकुद भएको भन्दै पोखरा पर्यटकिय क्षेत्र भएकोले यस पोखरालाई पर्यटकिय साहसिक खेलकुदको क्षेत्र बनाउन सरकारको तर्फबाट आफु लागि पर्ने बताए । उनले विशेषत पोखरालाई ट्रायथलन खेलकुद क्षेत्र बनाउन लागि पर्ने भन्दै निजी क्षेत्रलाई पनि यस क्षेत्रलाई पर्यटकिय खेलकुद क्षेत्र स्थापनको लागि पहल गर्न पर्नेमा जोड दिए । उनले पोखरालाई दक्षिण एशियाली ट्राइयथनल ट्रेनिङ सेन्टर बनाउन पहल गर्ने समेत बताए ।