सन्दर्भ: नेपाल र भारतबीच आगामी जुन महिनामा हुन गईरहेको मैत्रीपूर्ण खेल

न भारत पहिला जस्तो कमजोर छ न नेपाल नै। भारतीय फुटबल टोली अहिले एसियाको जल्दाबल्दा टिममा गनिन्छ। छोटो समयमा ठूलो उपलब्धि हात पारेको भारत अाफु भन्दा बलिया टोलीलाई सजिलैसँग पाखा लगाउन थालेको छ। यसको मुख्य श्रेय भारतीय लिगलाई नै जान्छ। कुनै बेला थियो भारत र नेपाल बिचको खेल अडकल गर्न सकिन्थ्यो तर अब त्यो रहेन।

फुटबलमा आफ्नो छुट्टै छाप छोडेको भारतले एसियन कप छनोटका लागि तयारी स्वरूप नेपाली टोलीलाई मैत्रीपूर्ण खेलको लागि निम्तो गरेको छ। विगतको नतिजा समान रूपले हेर्दा नेपाली फुटबलमा पनि कमै मात्रामा खराब नतिजा देखिन्छ। युवा टोलीले भरिएको नेपाली टिमको खेल पनि बदलिएको छ।

कुनैबेला गोल को खंडेरी भोगेको नेपाली फुटबल दिन का दिन कमजोर बन्दै थियो। तर अब समय फेरिएको छ। युवा टोलीको आगमनसंगै नेपाली फुटबलमा पनि कुन खेलाडीले कति बेला गोल हान्छ पत्तो हुन छाडेको छ। त्यसकारण पनि नेपाली फुटबलमा सुधार हुँदै गरेको पाईन्छ।

अाशा गरौँ भारत भ्रमण नेपाली खेलाडीहरुका लागि उपलब्धिमुलक हुनेछ।

जय नेपाल! जय नेपाली फुटबल!!

लेखक: कुशल रिसाल

यदि तपाईंसँग पनि कुनै लेख वा आफ्नो सटिक प्रतिक्रिया छन् भने आफ्नो लेख हाम्रो फेसबुक पेज मार्फत संदेश पठाउन सक्नुहुनेछ वा हाम्रो इमेल [email protected] मा पनि पठाउन सक्नुहुनेछ।