काठमाडौँ (हाम्रो खेलकुद) – एएफसी एसियन कप २०१९को छनोट अन्तर्गत समूह चरणको दोश्रो खेल खेल्न यमनको राष्ट्रिय फुटबल टोली नेपाल आइपुगेको छ। नेपाल र यमनबीच जेठ ३० गते हलचोकस्थित सशस्त्र प्रहरी बलको मैदानमा खेल हुँदैछ।
यमनको टोली दिनको २:३५ बजे त्रिभुवन अन्तर्राष्ट्रिय विमानस्थलमा अवतरण गरेको हो। ओमान एअरलाइन्सको विमानमा टोलीले नेपाल आइपुगेको हो।
इथियोपियन प्रशिक्षक अब्रहाम मेब्राटूको नेतृत्वमा नेपाल आइपुगेको टोलीले भोलि दिनको ३ बजे औपचारिक प्रशिक्षण गर्ने कार्यक्रम रहेको छ। नेपाली टोलीले पछिल्लो २ दिनदेखि दशरथ रंगशालाको घाँसे मैदानमा प्रशिक्षण गर्दै आएको छ।
