फ्रान्सको राजधानी पेरिसमा भएको आक्रमण विरुद्ध आज दशरथ रंगशालामा मैनबत्ती बाल्ने कार्यक्रम भयो|
नेपाल खेलकुद पत्रकार मंचको आयोजनामा भएको कार्यक्रममा खेल क्षेत्रका हस्तीहरुको बाक्लो उपस्थिति थियो| राष्ट्रिय खेलकुद परिषदका सदस्य सचिव केशब कुमार बिष्ट पनि सो कार्यक्रममा सहभागी भएका थिए| फ्रान्सको राष्ट्रिय रंगशाला ‘पार्क डे प्रिन्सेस’मा फ्रान्स र जर्मनी बीच मैत्रीपुर्ण फुटबल खेलको दौरान भएको आतंकबादी हमलामा तिन जनाको ज्यान गएको थियो| सोहि समयमा पेरिसको अन्य पाँच ठाउमा हमला हुँदा १६० भन्दा बढी सर्वसाधारणको ज्यान गएको थियो|
विश्वोभरबाट भत्सर्ना गरिएको सो घटनाको विरोधमा आयोजित मैनबत्ती बाल्ने कार्येक्रममा मंचका अध्यक्ष अजय फुयाल, सचिब प्रकाश तिमल्सिना, राखेपका सदस्य सचिव लगाएतका वक्ता हरुले यस्ता कार्यहरुको बिरोध गर्दै खेलक्षेत्र मात्र नभई कुनै पनि क्षेत्रमा हुन नहुने बताए|
