काठमाडौं (हाम्रो खेलकुद) – नेपाली खेलाडीले विश्व र्याफ्टिङ च्याम्पियनसिपमा भाग लिने भएका छन् । च्याम्पियनसिपमा नेपालका ६ खेलाडीले प्रतिस्पर्धा गर्नेछ । नेपाली खेलाडीमा हरि आलेमगर, रोशन लामा, प्रकाश गुरुङ, मनबहादुर कँडेल, विनोद गुरुङ, टक बहादुर गुरुङ र विशाल गुरुङ छन् । प्रशिक्षकमा विष्णु गुरुङ छन् ।

नेपाल एसोसिएसन अफ र्याफ्टिङ एजेन्सिज, नेपाल र्याफ्टिङ एण्ड क्यानोइङ एसोसिएसन र नेपाल कायक एण्ड क्यानोइङ क्लबको सहकार्यमा नेपालले जापानको योशिनो नदीमा हुने विश्व ¥याफ्टिङ च्याम्पियनसिपमा भाग लिने नेपाली खेलाडीको टोलीको आज विदाई गरियो । टोली आजै जापान जानेछ ।
च्याम्पियनसिप अगस्ट २ देखि ९ तारिखसम्म हुदैछ । च्याम्पियनसिपमा नेपालको यो पहिलो सहभागिता हो । च्याम्पियनसिपमा नेपालले खुल्ला स्पर्धामा प्रतिस्पर्धा गर्नेछ । च्याम्पियनसिपमा विश्वका २३ देशका ८० टिमले प्रतिस्पर्धा गर्नेछ ।

च्याम्पियसिप अघि नेपालले अक्टोबर १ सम्म प्रशिक्षण गर्ने हिमालय रिभर गाइडका संस्थापक अध्यक्ष चुडामणि अर्यालले जानकारी गराए । यस्तै अध्यक्ष चुडामणिले विश्व ¥याफ्टिङ च्याम्पियनसिप नेपाललाई चिनाउने अर्को ठुलो मौका रहेको बताए । उनले नेपालमा रिभर गाइड मात्रै नभई खेलाडी पनि छ भन्ने देखाउन यो च्याम्पियनसिपले पुष्टि गर्ने बताए ।