काठमाडौं (हाम्रो खेलकुद)- कीर्तिमानी भारोत्तोलन खेलाडी कमला श्रेष्ठले दक्षिण कोरियामा जारी एसिया कप तथा अन्तर क्लब भारोत्तोलन च्याम्पियनसिपमा आफ्नो प्रदर्शनमा सुधार गरेकी छन् । दक्षिण कोरियाको योङगुमा मंगलबार भएको ६३ केनी तौल समूहमा कमलाले आफ्नो प्रदर्शनमा सुधार गरेकी हुन् । कमलाले स्न्याचमा ७० केजी, क्लिन एण्ड जर्कमा ८७ केजीसहित कुल १ सय ५७ केजी भार वहन गर्दै आफ्नो व्यक्तिगत प्रदर्शनमा सुधार गरेकी हुन् ।
कमला श्रेष्ठ । फाइल तस्बिर
कमलाले यसअघि नेपालमै भएको एसियन जुनियर भारोत्तोलन च्याम्पियनसिपमा स्न्याचमा ६८ केजी र क्लिन एन्ड जर्कमा ८५ केजीको राष्ट्रिय कीर्तिमान बनाएकी थिईन् । यसअघि कमलले पुरुष ७७ केजी तौल समूहमा ६ कास्य जित्न सफल भएका थिए । कमलले स्न्याचमा ११७ केजी, क्लिन एण्ड जर्कमा १४० भार बहन गर्दै कुल १ सय ५७ केजी भार बहन गर्दै ६ कास्य जित्न सफल भएको थिए ।
सञ्जु चौधरीले महिला ५३ केजी तौल समूहमा ६ रजत पदक जित्न सफल भएकी थिइन् । ६९ केजी तौल समूहमा प्रकाश केसीले कुनै पदक जित्न सकेन । दुई फरक च्याम्पियनसिपमा नेपालबाट दुई महिला र दुई पुरुष खेलाडीले भाग लिएका थिए ।
