काठमाडौं (हाम्रो खेलकुद) – सिएमएस छैटौ फाल्डो सिरिज जुनियर च्याम्पियनसिपमा डिफेण्डिङ च्याम्पियन शुक्र बहादुर राई र प्रतिमा शेर्पा पहिलो दिन शीर्षस्थानमा रहन सफल भएका छन ।
गोकर्ण गल्फ क्लबमा सोमबार भएको अन्डर २१ तर्फ शुक्रले ४ ओभर ७६ अंकका साथ बिपिन तामाङलाई ३ स्ट्रोकले पछि पार्दै शीर्षस्थानमा रहेका हुन । शुक्रले तेस्रो होलमा बर्डी प्रहार गरे । तर ३ पारको आठौ होलमा डबल बोगी खेप्दा फ्रन्ट नाईन १ ओभर ३७ मा सकाए । यसपछि १२ औ र १८ औ होलमा बर्डीको सफलता प्राप्त गरेपनि १४औ र १५ औ होलमा बोगी तथा १७ औ होलको ट्रिपल बोगीसँगै ब्याक नाईन ३ओभर ३९ मा सकाए ।
७ ओभर ७९ अंकका साथ बिपिन तामाङ दोस्रो र १४ ओभर ८६ अंक जोडेका सुदिप तामाङ तेस्रो स्थानमा रहेका छन ।
छात्रातर्फ प्रतिमा शेर्पा नौ स्ट्रोकको अग्रता सहित शीर्षस्थानमा रहेकी छिन । ९ ओभर ८१ अंकका साथ प्रतिमाले कसमिरा शाहलाई नौ स्ट्रोकले पछि पारेकी हुन । १८ ओभर ९० अंकका साथ कसमिरा शाह दोस्रो र २५ ओभर ९७ अंकका साथ जुनी गुरूङ तेस्रो स्थानमा रहेका छन ।
अनेडर सिक्सटिन तर्फ मोनिष शाह ५ ओभर ७७ अंकका साथ अगाडा रहेका छन् । उनले राहुल बिकलाई मात्र १ स्ट्रोकले पछि पारेका छन । यो स्पर्धामा कडा प्रतिस्पर्धा चल्दा ७८ अंक बनाएका बिनोद दोस्रो र ७९ अंककासाथ सुबास घिसिङ र रितेश तामाङ संयुत्त रूपमा तोस्रो स्थानमा छन् ।
४ छात्रा सहित २३ जुनियर खेलाडीको सहभागिता रहेको प्रतियोगिताको पहिलो दिन १०० अंक बनाएका छिरिङ शेर्पा भने बाहिरिएका छन । नेपाल गल्फ संघद्वारा आयोजित ३ दिने प्रतियोगिताको छात्र र छात्रातर्फको दुई विजेता भियतनामा आगामी मार्चम हुने एसियन फाल्डो सिरिजकोलागि छनौट हुनेछन। साथै यही प्रतियोगिताबाट १० खेलाडी छनौटगरी बन्द प्रशिक्षणमा राखिनेछ । खेलाडीहरूलाई राष्ट्रिय प्रशिक्षक तथा गल्फ संघका सल्लाहकार किम बाल्डवीनले प्रशिक्षण दिनेछन ।
