default_image

6 years ago

January 15, 2018

नेपाल अष्ट्रेलियाविरुद्ध विजयी

काठमाडौं (हाम्रो खेलकुद) – जारी नेत्रहिन एकदिवसीय विश्वकप प्रतियोगितामा नेपालले अष्ट्रेलियालाई ८ विकेटले पराजित गरेको छ । यस जितसँगै नेपालले प्रतियोगिताको सुखद अन्त्य पनि गरेको छ । टस जितेर पहिले ब्याटिङ रोजेको अष्ट्रेलियाले ३६.२ ओभरमा अलआउट हुनअघि २ सय ९६ रन जोडेको थियो । अष्ट्रेलियाका लागि ओपनर स्टेफन नेरोले सर्वाधिक ६३ रनको योग्दान दिएका थिए […]

38 views

0 Bookmark

काठमाडौं (हाम्रो खेलकुद) – जारी नेत्रहिन एकदिवसीय विश्वकप प्रतियोगितामा नेपालले अष्ट्रेलियालाई ८ विकेटले पराजित गरेको छ । यस जितसँगै नेपालले प्रतियोगिताको सुखद अन्त्य पनि गरेको छ ।

फोटो: एनएसजेएफ

टस जितेर पहिले ब्याटिङ रोजेको अष्ट्रेलियाले ३६.२ ओभरमा अलआउट हुनअघि २ सय ९६ रन जोडेको थियो । अष्ट्रेलियाका लागि ओपनर स्टेफन नेरोले सर्वाधिक ६३ रनको योग्दान दिएका थिए ।

त्यस्तै अर्का ओपनर लिन्से हेभनले पनि ३८ रनको राम्रो पारी खेले । मध्यक्रमका म्याट क्यामेरोनले पनि ६२ रन बनाउँदै अष्ट्रेलियालाई बलियो लक्ष्यतर्फ लगेको हो । यसैगरी ड्यानियल प्रिचर्डले अन्त्यतिर आउँदै ४० रनको पारी खेलेका थिए ।

बलिङतर्फ नेपालका लागि दुर्गा दत्त पौडेलले ३ विकेट लिन सफल भएका थिए भने भरत थापा र विक्रम बहादुर राणाले एकएक विकेट लिए ।जवाफमा नेपालले २ सय ९७ रनको लक्ष्य ३६.२ ओभरमै पुरा गर्‍यो । नेपालका लागि पदम बदैलाले १ सय २५ रनको शानदार पारी खेले ।

उनले ७६ बलको सामना गरेका थिए भने उनको पारीमा १४ चौका सामेल थिए । यसैगरी नेपालका लागि रमेश बानियाले ४७, खिमानन्द गैरेले १७, नरेश थारुले ३६ र बद्रि चौलागाईंले ३५ रनको महत्त्वपूर्ण पारी खेलेका थिए ।

यसैगरी यस प्रतियोगिताको अन्त्यसँगै नेपाली टोलीका महत्त्वपूर्ण सदस्यद्वय कप्तान किर्तन श्रेष्ठ दुवाल र उपकप्तान विक्रमबहादुर रानाले सन्यासको घोषणा गरेका छन् । विक्रम र किर्तनले नयाँ युवा खेलाडीलाई अवसर दिन आफूहरुले सन्यास लिएको बताए ।

April 16, 2024

बहराइनको कम्बोडियाविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

Success

Thank you for your time.