काठमाडौं (हाम्रो खेलकुद) – ग्रासरुट फुटसल एकेडेमी (जिएफए)ले राष्ट्रिय टोलीका पहिलो रोजाईका गोलरक्षक किरण चेम्जोङसँगै नेपाली राष्ट्रिय टोलीका पुर्व कप्तान तथा गोलरक्षक उपेन्द्रमान सिंह र च्यासल युथ क्लबका गोलरक्षक सन्तोष महतलाई सम्मानित गरेका छन् ।
चौथो संस्करणको अन्तर विद्यालयस्तरीय जिएफए कप फुटसल प्रतियोगिताको समापन दौरान तीनै गोलरक्षकलाई आयोजकले नगद, दोसल्ला र प्रमाणपत्रसहित सम्मानित गरेका हुन् ।
विद्यालय स्तरीय फुटसल प्रतियोगिताको यु–१० तर्फ जोन देवि स्कुल च्याम्पियन बन्यो । जोन देविले संस्कृति स्कुललाई १–० ले हरायो । यु–१२ तर्फ काठमाडौं प्रज्ञाकुन्जले काष्टमन्डपलाई ६–४ ले पराजित गर्दै च्याम्पयन बन्यो ।
यु–१० तर्फ जोन देविका योङ्देन लामा र यु–१२ मा काष्टमन्डपका प्रशान्त लिम्वु उत्कृष्ट खेलाडी चुनिए । जिएफएका प्रशिक्षकमा हरि लामा उत्कृष्ट प्रशिक्षक चुनिए । उनले ५ हजार रुपैया पाए ।
स्किलफुल खेलाडीमा जतिन बराल, मोस्ट पपुलरमा श्रृयन्स मानन्धर, गोलरक्षकमा सुगत श्रेष्ठ, अन्तर्राष्ट्रिय मैत्रीपुर्ण खेलमा राम्रो खेलेका रजत श्रेष्ठ, डिफेन्समा प्रजोसन श्रेष्ठ र उत्कृष्ट प्रदर्शनमा टासी शेर्पा चुनिए । यस्तै डेलिकेटेड अभिभावकमा जनार्दन सिटौला चुनिए ।
यस्तै जिएफएको सात प्रशिक्षकले चुनेको वर्षभरिको अनुशाषित खेलाडीमा आश्रय बस्न्यात र सायन बस्न्यात चुनिए । उनीहरु सबैलाई गोलरक्षक किरण चेम्जोङ र उपेन्द्रमानसिंह लगायतले पुरस्कृत गरे ।
दुई दिनसम्म चलेको दुई उमेर समूहको प्रतियोगितामा विभिन्न ८ स्कुलले सहभागिता जनाएका थिए । यि टोलीले लिग कम नकआउटका आधारमा प्रतिस्पर्धा गरेका थिए ।
