5 years ago
March 27, 2019
काठमाडौं (हाम्रो खेलकुद) – दक्षिण अमेरिकी राष्ट्र अर्जेन्टिनामा आयोजना हुने १२औं एएमएफएफ फुटसल विश्वकपका लागि नेपाली फुटसल टोली बिहीबार त्यसतर्फ प्रस्थान गर्ने भएको छ । टोली दिउसो १२ बजेपछि अर्जे्न्टिना प्रस्थान गर्ने नेपाल फुटसल संघले बुधबार पत्रकार सम्मेलनमार्फत जानकारी गरायो । अर्जे्न्टिना जाने १७ सदस्यीय टोलीलाई बुधबारै संघका पदाधिकारीहरुले बिदाई गरेको छ । फुटसल विश्वकप […]
काठमाडौं (हाम्रो खेलकुद) – दक्षिण अमेरिकी राष्ट्र अर्जेन्टिनामा आयोजना हुने १२औं एएमएफएफ फुटसल विश्वकपका लागि नेपाली फुटसल टोली बिहीबार त्यसतर्फ प्रस्थान गर्ने भएको छ ।
टोली दिउसो १२ बजेपछि अर्जे्न्टिना प्रस्थान गर्ने नेपाल फुटसल संघले बुधबार पत्रकार सम्मेलनमार्फत जानकारी गरायो । अर्जे्न्टिना जाने १७ सदस्यीय टोलीलाई बुधबारै संघका पदाधिकारीहरुले बिदाई गरेको छ । फुटसल विश्वकप अर्जेेन्टिनामा आउदो मार्च ३१ बाट अगस्ट ७ सम्म सञ्चालन हुनेछ ।
१२औं संस्करणको फुटसल विश्वकपमा नेपालले एसिया महादेशबाट वाइल्ड कार्ड इन्ट्रीबाट छनोट हुन सफल भएको संघका महासचिव बटुकृष्ण थापाले जानकारी गराए ।
विश्वकपमा नेपालसहित विश्वका १६ राष्ट्रले सहभागिता जनाउदैछन् । विश्वकपमा नेपालसहित ब्राजिल, अर्जे्न्टिना, अष्ट्रेलिया, क्यानडा, क्याटालोनिया, फ्रान्स, इटाली, पाराग्वे, रसिया, दक्षिण अफ्रिका, उरुग्वे, पाकिस्तान, क्युराजा, बोलिभिया र कोलम्वियाले प्रतिस्पर्धा गर्नेछन् ।
प्रतियोगिताको लागि संघले दुई महिना अघि नै खुल्ला छनोटमार्फत खेलाडी छनोट गरिसकेको संघले जनाएको छ ।
नेपाल फुटसल संघ २०१६ मा स्थापना भएको हो । स्थापना पश्चात संघले एसोसिएसन मुन्डियल डि फुटसल (एएमएफ) को पूर्ण सदस्यता प्राप्त गर्न सफल भएको थियो । एएमएफ विश्वका फुटसल हेर्ने संस्था हो ।
प्रतियोगिताको लागि अर्जे्न्टिना जानको लागि करिव ६० लाख खर्च हुने लाग्ने र केही रकम खेलाडी र बाँकी सहयोग मागिएको संघले जनाएको छ ।
विश्वकपमा नेपाल समूह ‘डी’ मा रहेको छ । नेपालले १ अप्रिलमा क्यानडा, २ अप्रिलमा फ्रान्स र ३ अप्रिलमा क्याटलिनियासँग खेल्नेछ ।
टिमका प्रशिक्षक कमल विष्टले तयारी राम्रो रहेका कारण दोस्रो चरण पुग्ने लक्ष्य राखिएको बताए । यस्तै कप्तान समिर कार्कीले पहिलो खेलले नै दोस्रो चरण पुग्ने नपुग्ने ढोका खोल्ने बताए ।
नेपाली टोली
समिर कार्की (कप्तान)
दिपेन्द्र रसाइली
दिनेश श्रेष्ठ
विशाल थापा
सुजन बलामी
साहिल राना
राजु बुढाथोकी
अनुप राना
वरदान लामा
गौरव श्रेष्ठ
ग्रिजेशमान श्रेष्ठ
सन्जीव तामाङ
सन्तोष पराजुली (टिम लिडर)
कमल विष्ट (मुख्य प्रशिक्षक)
राजेन्द्र थापामगर (सहायक प्रशिक्षक)
गोविन्द प्रसाद पौड्याल (डेलिगेट्स)
सन्जय लिगल (फिजियो)
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
April 6, 2024
काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् । नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]