काठमाडौं (हाम्रो खेलकुद) – नेपाल विज्ञापन संघ (आन) को आयोजनामा दोस्रो संस्करणको नेपाल आईस आन फुटसल प्रतियोगिता हुने भएको छ ।

आयोजक आनले बिहीबार राजधानीमा पत्रकार सम्मेलनको आयोजना गर्दै विज्ञापन एजेन्सी, मिडिया हाउस र कर्पाेरेट हाउसहरुबीचको फुटसल प्रतियोगिता बैशाख २३ देखि २८ गतेसम्म हुने जानकारी गराएको हो ।

प्रतियोगितामा ३२ टिमको सहभागिता रहने आयोजकले जनाएको छ । सहभागी टिमलाई आठ समूहमा विभाजन गरिएको छ ।

प्रतियोगितामा कान्तिपुर ग्रुप, जनता टिभी, न्युज २४, एबीसी टीभी, सगरमाथा टीभी, नेपाल टेलिभिजन, शिलापत्रडटकमले सहभागिता जनाएका छन् ।

यस्तै नयाँ पत्रिका, गोरखापत्र, मार्स, वेलकम, भोग इमेन्ट, अभानि, प्रिज्मार्क, मिडिया बास्केट, एडि रिलिज, मिडिया हब रहेका छन् । त्यस्तै, आउट रिच नेपाल, कि एडर्भटाईजिङ, म्यास मिडिया, मार्स प्रालि, सुश्री मिडिया र फ्युचर हबको सहभागिता रहेको छ ।

सर्वाेत्तम सिमेन्ट, क्युएफएक्स सिनेमा, माछापुच्छ्रे बैक, मुक्तिनाथ बिकास बैंक, नेपाल मेडिसिटी अस्पताल, हिच हाइकर ट्राभल्स, पिक्सन इन्जिनियरिङ, सफ्ट नेप र वराह ज्वेलर्सको सहभागिता रहेको छ । सहभागी टोलीलाई ८ समूहका विभाजन गरिएको छ ।

लिगकम नकआउटका आधारमा हुने प्रतियोगिताबाट हरेक समूहबाट शीर्ष दुई टोलीले प्रि–क्वाटरफाइनलमा स्थान बनाउनेछ । प्रतियोगिताको विजेताले १ लाख रुपैया हात पार्नेछन् । दोस्रो हुनेले ७५ हजार प्रप्तान गर्ने आयोजक संस्थाका अध्यक्ष रविन्द्र कुमार रिजालले पत्रकार सम्मेलनमा जानकारी गराए ।

समूह विभाजन
समूह ‘ए’– हिच हाइकर ट्राभल्स, सगरमाथ टेलिभिजन, सर्वाेत्तम सिमेन्ट र सफ्ट नेप
समूह ‘बी’ – वराह ज्वेलर्स, म्याक्स मिडिया, आउट रिच नेपाल र भोग इमेन्ट
समूह ‘सी’– एबीसी, गोरखापत्र, जतनता टीभी र शिलापत्रडटकम
समूह ‘डी’ – अभानी, मेडिसिटी अस्पताल, मुक्तिनाथ किास बैंक र वेलकम एड्भर टाइजिङ
समूह ‘ई’ – विजनेस, माछापुच्छ्रे, नेपाल टेलिभिजन र न्युज २४
समूह ‘एफ’ – फ्युचर हव, मिडिया बास्केट, पिक्सन इन्जिनियरिङ र सुश्री मिडिया
समूह ‘जी’ – कान्तिपुर, नयाँ पत्रिका, प्रिज्मार्क र टिम क्वेस्ट
समूह ‘एच’ – एड रिलिज, कि एडभरटाइजिङ, मार्स र मिडिया हव