काठमाडौं (हाम्रो खेलकुद) – विदेशी खेलाडी एलाना मे लिमको उच्च प्रदर्शन मद्दतमा आइएसओ काइटले राजधानीमा जारी वुमेन्स नेपाल बास्केटबल लिगमा पहिलो जित हात पारेको छ ।
चारखालमा भएको खेलमा आइएसओले साइपाल एकेडेमीमाथि ७२–६३ को जित निकालेको हो । पहिलो क्वाटरमा २३–१२ को अग्रता बनाएको आइएसओले दोस्रो क्वाटरमा १५–११ को अग्रता बनायो । तेस्रो र चौथो क्वाटरमा १३–१७ र २१–२३ ले पछि परेपनि अघिल्लो दुई क्वाटरमा बनाएको अग्रता आइएसओ जिमा पर्याप्त बन्यो ।
आइएसओको जितमा एलाना मे लिमले २७ अंकको योगदानसहित २४ रिवाउन्ड, २ असिस्ट र १ ब्लक गरे । उनी नै खेलको वुमन्स अफ दि म्याच हुदै ३ हजार रुपैया पाए ।
प्रतियोगितामा बुधबार आइएसओ र साइपाल बीच नै खेल हुनेछ ।
