काठमाडौं (हाम्रो खेलकुद) – नेपाली ब्याडमिन्टनका युवा प्रतिभा रशिला महर्जन र जेसिका गुरुङको जोडी बंगलादेशमा जारी योनेक्स सनराइज बंगलादेश जुनियर इन्टरनेसनल सिरिजको महिला डबल्समा फाइनलमा प्रवेश गरेका छन् ।
ढाकास्थित सहिद ताजुद्धिन अहमेद इन्डोर स्टेडियम पल्टनमा शनिबार भएको सेमिफाइनलमा रशिला र जेसिकाको जोडीले घरेलु टोली बंगलादेशकी फर्जना अख्तर र सुमाया अख्तर मिम तुलीको जोडीलाई पराजित गर्दै उपाधि नजिक पुगेका हुन् ।
एक पक्षीय खेलमा रशिला र जेसिकाको जोडीले फर्जना अख्तर र सुमाया अख्तर मिम तुलीको जोडीलाई २१–९ र २१–११ को सोझो सेटमा पाखा लगायो ।
त्यसअघि यि जोडीले सादी अख्तर र लिका पोद्धेरको जोडीमाथि सहज जित निकाल्दै अन्तिम चारमा यात्रा तय गर्न सफल भएको थियो ।
