काठमाडौं (हाम्रो खेलकुद) – कोराना भाइरस (कोभिड १९) को महामारीले अहिले विश्व आक्रान्त भइरहेको छ । विश्वका १ सय ५० भन्दा बढी देशमा यसको संक्रमण फैलिसकेको छ । १० हजार भन्दा बढीको मृत्यु भइसकेको छ ।

नेपाललाई पनि संक्रमणको उच्च जोखिममा राखिएको छ । यस्तोमा राष्ट्रिय क्रिकेट टोलीका पूर्व कप्तान पारस खड्काले अपिल गर्दै सबैलाई आ आफ्नो ठाँउबाट जिम्मेवारी लिन र आग्रह गरेका छन् ।

सामाजिक सञ्चालमा आइतबार भिडियो सन्देशमार्फत पारसले भनेका छन्, ‘अहिले सहज समय होइन । यो परिस्थितिमा व्यक्तिगत र राष्ट्रिय क्रिकेट टोलीकातर्फबाट सबैलाई आग्रह गर्न चाहन्छु । सबै जना घरमा बसेर, अत्यावश्यक बाहेक घर बाहिर नगइकन,सरकार र सम्बन्धित निकायलाई सहयोग गर्न सबैलाई हार्दिक अनुरोध गर्दछु ।’

सबैले आ आफ्नो ठाँउबाट जिम्मेवारी लिने हो भने आगामी दिनमा यो कठिन परिस्थितबाट निस्कन एकदमै सजिलो हुनेछ उल्लेख गर्दै पारसले भनेका छन्, ‘हामी सबै मिलेर यो महामारीका विरुद्ध लडौं ।’ नेपालमा क्रिकेटलगायत सबै खेलकुद गतिविधि ठप्प भएका छन् । चैत १ गतेबाट सुरु हुने भनिएको एभरेष्ट प्रिमियर लिगसहित नेपाल र नामिबियाबीचको खेल पनि स्थागित भइसकेको छ ।

भिडियो सन्देश :