default_image

4 years ago

March 26, 2020

‘स्पेनिस लिग मैदानमै टुंगिन्छ, मिति तोक्न सकिन्न’

एजेन्सी – स्पेनिस फुटबल महासंघ (आरएफइएफ) का अध्यक्ष लुइस रुबेल्सले घरेलु फुटबलको अन्त्य मैदानबाट हुनुपर्नेमा जोड दिएका छन् । विश्व व्यापी रुपमा कोरोना भाइरस कोभिड १९ ले असर पुर्याएपछि स्पेनमा अहिले सबै खाले फुटबल प्रतियोगिता र गतिविधि स्थगित छ । कोरानाको अत्याधिक प्रभावित मुलुकमा स्पेन पनि पर्दछ । त्यसैले अहिले स्पेनमा आपतकाल लागेको छ । […]

34 views

0 Bookmark

एजेन्सी – स्पेनिस फुटबल महासंघ (आरएफइएफ) का अध्यक्ष लुइस रुबेल्सले घरेलु फुटबलको अन्त्य मैदानबाट हुनुपर्नेमा जोड दिएका छन् । विश्व व्यापी रुपमा कोरोना भाइरस कोभिड १९ ले असर पुर्याएपछि स्पेनमा अहिले सबै खाले फुटबल प्रतियोगिता र गतिविधि स्थगित छ । कोरानाको अत्याधिक प्रभावित मुलुकमा स्पेन पनि पर्दछ । त्यसैले अहिले स्पेनमा आपतकाल लागेको छ ।

‘मैले सबै ठाँउका साथीहरुसँग कुराकानी गरेको छु । अहिलेको अवस्थालाई सबैले बुझेका छन्’, उनले पत्रकार सम्मेलनमा भनेका छन्, ‘अहिले खेलकुदका सबै गतिविधि ठप्प छन् । नयाँ मिति र अन्य विषयमा हामीले अहिले केहि सोचेका छैनौं ।’

उपयुक्त समय आएपछि आवश्यक निर्णय लिने अध्यक्ष रुबेल्सले बताएका छन् । तर अहिले कुनै मिति तय नगरिने पनि उनले प्रष्ट पारेका छन् । ‘जब जनजीवन सामान्य हुनेछ । अनि फुटबल सुचारु गर्ने विषयमा छलफल गरौंला’ , उनले थपे , ‘अहिले हामी यो तालिकालाई थप्न गइरहेका छौं । अहिले कोरोनाको प्रभाव धेरै छ । त्यसैले यस्तो बेला मिति तोक्नु उपयुक्त हुने छैन ।’

अध्यक्ष रुबेल्सले ला लिगका विषयमा पनि कहिलेबाट सुचारु हुने भन्ने कुनै तय नभएको बताएका छन् । ‘सिजन पुरा गर्नुपर्छ भन्नेमा हामी प्रष्ट छौं । तर दुई सिजनलाई एउटैलाई गाभ्ने कुनै सोच छैन’, उनले थपे, ‘सिजनलाई टुंगाउनुपर्ने हाम्रो प्राथमिकता हो । हामी क्लबहरुलाई रेलिगेसनमा पठाउन मात्र सक्दैनौं । बढुवा पनि गराउनुपर्ने हुन्छ । सयौं क्लब सिजन अन्त्यको पर्खाइमा छन् । जब अवस्था सामान्य हुनेछ फुटबल सिजनको अन्त्य पनि गर्नेछौं ।’

उनले सिजन सुरुवातको केहि अनुमान गर्न नसकिने तर्क पनि गरेका छन् । ‘हामीले यसअघि मेको सुरुबाट खेल्न सकिने सोचेका थियौं, त्यो सम्भव देखिँदैन । तर म आफ्नो अनुमानमा गलत भए भने खुसी हुनेछु । त्यो अवस्थामा हामीले क्यालेन्डरलाई लम्बाउनुपर्ने हुन्छ’ , उनले थपे, ‘यहिले मुख्य उद्देश्य भनेको जनजीवन सामान्य हुनु हो । अहिले त्यहि मात्र सोचेका छौं, फुटबल त्यसपछि सोचौंला । हार वा जित मैदानमा खेलेर नै टुंगिनु पर्छ भन्ने हो । क्षेत्रिय फुटबल र तल्लो लिगहरुमा पनि अवस्था त्यहि हो । रेफ्रीहरु पनि छन् । उनीहरु पनि फुटबलकै परिवार हुन् ।’

क्यालेन्डर घटाउने विषयमा उनले भने, ‘हामीले कोपा डेल रेको क्यालेन्डरलाई घटाइसकेका थियौं । युईएफए, फिफा र अन्य महासंघहरुसँग पनि सहकार्य भइरहेको छ ।’

रुबेल्सले फुटबलको सँगै कोरानाका संक्रमितहरुकालागि समेत सन्देश दिएका छन् । ‘यो समय हामी सबैलाई धैर्यताका लागि आग्रह गर्दछौं । म अहिले घरमा एक्लै छु । धेरै काम पनि गरिरहेको छु । धेरै मान्छेहरुसँग बोलिरहेको छुु’ , उनले भने, ‘छोरी र परिवारलाई मिस गरेको छ । तर, यो सबै हामीले गर्नै पर्छ । एकताबद्ध र आइसोलेट हुनुपर्दछ । भाइरसमाथि विजय प्राप्त गर्ने यो एकमात्र विकल्प हो ।’

रुबेल्सले अहिलेको समयमा विश्वमा जुन समस्या देखिएको छ त्यसका अगाडि फुटबल प्राथमिकतामा नपर्ने बताएका छन् । त्यसका वावजुद फुटबलमा काम भने गरि राख्नुपर्ने सुनाए ।
‘संस्थाका लागि हामी सबैले काम गर्ने पर्छ । हामी सहयोगका लागि हर सम्भव कोसिस गर्नेछौं । यो भन्दा बढी गर्न सक्ने हुँदा पनि गर्नेछौं । आवश्यकता अनुसार महासंघको होटल प्रयोग गर्न हामीले सम्बन्धित निकायलाई भनेका छौं ।’

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.