काठमाडौं (हाम्रो खेलकुद) – स्याङ्जाको आधिखोला स्पोर्टस क्लबले महेन्द्रनगर कञ्चनपुरको भलिबल प्रशिक्षण केन्द्रलाई १२ जोर ट्रयाकसुट सहयोग गरेको छ ।
२२ बर्षदेखि हङकङ बस्दै आएका क्लबका अध्यक्ष शंकर गुरुङले शनिबार राजधानीमा प्रशिक्षण केन्द्रमा प्रमखु जगदिश भट्टलाई भट्टलाई ट्रयाकसुट हस्तान्तरण गरे । पूर्व भलिबल खेलाडी समेत रहेको गुरुङले भने,‘भलिबल खेलाडी उत्पादनमा सुदूरपश्चिमाञ्चलको भूमिका महत्वपूर्ण रहँदै आएको छ । त्यसैले सहयोग गरेका छौं ।’ नेपाल भलिबलका सचिव समेत रहेका भट्टले झन्डै दशकयता उक्त केन्द्रमा प्रशिक्षण गराउँदै आएका छन् । भट्टका अनुसार केन्द्रमा महिला÷पुरुष झन्डै ६० जना अहिले पनि प्रशिक्षण लिइरहेका छन् ।
