4 years ago
May 16, 2020
एजेन्सी – दुई महिना भन्दा बढी समयपछि शुरु भएको जर्मन बुन्डेस लिगामा हर्था बर्लिनले सानदार जित निकाल्दा आरबी लाइप्जिग हारबाट जोगिएको छ । बर्लिनको जितमा म्याथ्युज कुन्हा र भिडाड इभिसेभिचले समान एक गोल गर्दा आत्मघाती गोल उपहार पाएको थियो । विर्सल एरिना सिम्सेइममा भएको खेलको पहिलो हाफ गोलरहित बराबरीमा सकिएको थियो । तर, घरेलु टोलीले […]
एजेन्सी – दुई महिना भन्दा बढी समयपछि शुरु भएको जर्मन बुन्डेस लिगामा हर्था बर्लिनले सानदार जित निकाल्दा आरबी लाइप्जिग हारबाट जोगिएको छ ।
बर्लिनको जितमा म्याथ्युज कुन्हा र भिडाड इभिसेभिचले समान एक गोल गर्दा आत्मघाती गोल उपहार पाएको थियो । विर्सल एरिना सिम्सेइममा भएको खेलको पहिलो हाफ गोलरहित बराबरीमा सकिएको थियो । तर, घरेलु टोलीले दोस्रो हाफमा बर्लिनको गतिलाई रोक्न सकेन ।
५८औं मिनेटमा केभिन अक्पोग्माको आत्मघाती गोलबाट बर्लिनले खेलमा अग्रता लिएको थियो । त्यसको दुई मिनेटपछि नै इबिसेभिचले गोल गर्दै बर्लिनको अग्रता दोब्बर पारे । ७४औं मिनेटमा कुन्हाले गोल गर्दै बर्लिनको जित सुनिश्चित गरे । जितपछि बर्लिन तालिकामा ११औं स्थानमा उक्लन सफल भएको छ । बर्लिनको २६ खेलबाट ३१ अंक पुगेको छ । बर्लिनसँग पराजित होफेनहाइन ३५ अंक जोडेर नवौं स्थानमा छ ।
अर्काे खेलमा आरबी लाइप्जिग घरेलु मैदानमै फ्राइबर्गसँग १–१ गोलको बराबरीमा रोकिएको छ । लाइप्जिग एक गोलले पछि परेको अवस्थामा खेललाई बराबरीमा ल्याउन सफल भएको थियो । फ्राइबर्गका म्यानुयल गुल्डेले पहिलो हाफमा गोल गर्दा लाइप्जिगका युसुफ पउलसेनले खेल सकिन १३ मिनेट बाँकी रहँदा गोल गर्दै खेल बराबरीमा ल्याए ।
खेलको अन्तिम मिनेटमा फ्राइबर्गले गोल गरेपनि रेफ्रीले भीएआरको सहायताले उक्त गोल अफसाइड भएको निर्णय दिएका थिए । बराबरीपछि लाइप्जिग २६ खेलबाट ५१ अंक जोडेर तेस्रो स्थानमा यथावत रहँदा फ्रेइवर्ग ३७ अंक जोडेर सातौ स्थानमा उक्लिन सफल भएको छ । समान अंक भएपछि फ्रइबर्गले गोल अन्तरमा साल्केलाई पछि पारेको हो ।
यस्तै अर्काे खेलमा वल्फवर्गले अग्सवर्गमाथि २–१ को जित निकाल्दा डुसेलडर्फ र पाडेरबर्नले गोलरहित बराबरी खेल्दै अंक बाँडे । लिग अन्तर्गत आइतबार बायर्न म्युनिखले युनियन बर्लिन र एफसी कोल्नले माइन्जको सामना गर्नेछ ।
विश्वव्यापी बनेको कोरोना भाइरस कोभिड–१९ का कारण गएको मार्चको दोस्रो सातादेखि विश्व खेलकुद ठप्प हुदा बुन्डेसलिगा पनि प्रभावित बनेको थियो । युरोपको घरेलु लिगमा बुन्डेसलिगा कोरोनापछि सुचारु हुने पहिलो चर्चित लिग बनेको छ । फ्रेन्च लिग वान, बेल्जियम लिग, डच लिग रद्द भइसकेका छन् । स्पेनिस ला लिगा, इंग्लिस प्रिमियर लिग र इटालियन सिरी ‘ए’ भने चाडै सुरु हुने योजनामा छ ।
अन्य नतिजा
डर्टमन्डविरुद्ध साल्के (४–०)
अग्सवर्गविरुद्ध वल्सवर्ग (१–२)
डुसेलडर्फविरुद्ध पाडेरवर्न (०–०)
आरबी लाइप्जिगविरुद्ध फ्रेइवर्ग (१–१)
होफेनहाइनविरुद्ध हर्था बर्लिन (०–३)
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
April 6, 2024
काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् । नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]