default_image

4 years ago

May 25, 2020

मेस्सीका कारण बार्सिलोनामा बहस

एजेन्सी – क्याटलान क्लब बार्सिलोनाका प्रशिक्षक क्विके सेटिनले क्लबका कप्तान लियोनेल मेस्सीले केही समयअघि दिएको एक अभिव्यक्तिका कारण क्लबमा ठुलो बहसको अवस्था सिर्जना भएको बताएका छन् । मेस्सीले दुई साताअघि प्रशिक्षक सेटिनको ‘ब्रान्ड’ ले च्याम्पियन्स लिग जित्न नसकिने बताउँदै आलोचना गरेका थिए । सोही विषयले अहिले बार्सिलोनामा ठुलो बहसको सिर्जना भएको छ । यस विषयमा […]

43 views

0 Bookmark

एजेन्सी – क्याटलान क्लब बार्सिलोनाका प्रशिक्षक क्विके सेटिनले क्लबका कप्तान लियोनेल मेस्सीले केही समयअघि दिएको एक अभिव्यक्तिका कारण क्लबमा ठुलो बहसको अवस्था सिर्जना भएको बताएका छन् ।

मेस्सीले दुई साताअघि प्रशिक्षक सेटिनको ‘ब्रान्ड’ ले च्याम्पियन्स लिग जित्न नसकिने बताउँदै आलोचना गरेका थिए । सोही विषयले अहिले बार्सिलोनामा ठुलो बहसको सिर्जना भएको छ । यस विषयमा क्लबको बोर्ड बैठकमा छलफल हुनेछ । मेस्सीले त्यसअघि क्लबका निर्देशक एरिक एबिडालको पनि आलोचना गरेका थिए ।

प्रशिक्षक क्विके सेटिनले मेस्सीले गरेको आलोचनाको प्रतिरक्षा गर्दै फुटबल खेलाउने आफ्नो रणनीतिक दर्शनले पनि च्याम्पियन्स लिग जित्न सकिने बताएका छन् । अर्जेन्टिनी फरवार्ड मेस्सीले हामी जसरी खेलिरहेका छौ त्यसरी खेलेर जित्न सम्भव छैन भनेका थिए । उनले आफू हरेक बर्ष च्याम्पियन्स लिग खेलेको आधार मान्दै प्रशिक्षक सेटिनको शैलीको आलोचाना गरेका थिए ।

खेलाडी र प्रशंसकको आशंकाका बाबजुत सेटिन सन् २०१५ पछि बार्सिलोनालाई पहिलोपटक च्याम्पियन्स लिगको उपाधि जिताउने आफ्नो शैलीको समर्थन गरिरहेका छन् । ‘मेस्सीको भनाईले मलाई लाग्छ एउटा ठुलो विवाद सिर्जना गरेको छ । हामी सहमत छौ, हामी च्याम्पियन्स लिग जित्न सक्छौ । हामीले केही सुधार गर्नुपर्नेछ । तर, विवादरहित रुपमा भन्दा च्याम्पियन्स लिग जित्ने हामीसँग क्षमता छ,’ सेटिनले भने ।

इर्नेस्टो भाल्भेर्डे बर्खास्तमा परेपछि सेटिन गत जनवरीमा क्लबको मुख्य प्रशिक्षक बनेका थिए । सेटिनको प्रशिक्षणमा बार्सिलोनाले १२ खेल खेल्दा ८ मा जित, १ बराबरी र ३ हारको नजिता निकालेको छ ।

स्पेनिस ला लिगाको शीर्षस्थानमा रहेको बार्सिलोना यो सिजनको च्याम्पियन्स लिगको प्रि–क्वाटरफाइनलको पहिलो लेगमा इटालियन क्लब नेपोलीसँग १–१ गोलको बराबरी खेलेको थियो । बार्सिलोना २०१५ को च्याम्पियन्स बनेपछि त्यसयता सेमिफाइनलभन्दा अघि बढ्न सकेको छैन । अघिल्लो सिजन बार्सिलोना सेमिफाइनलमा लिभरपुलसँग ४–३ ले पराजित भएको थियो ।

त्यसअघि बार्सिलोनाले सन् २००६ देखि २०११ सम्म ६ पटक च्याम्पियन्स लिग खेल्दा बार्सिलोनाले ३ पटक उपाधि जितेको थियो । २०१५ देखि २०१८ सम्म स्पेनिस महारथी रियल म्याड्रिडले च्याम्पियन्स लिगको ह्याट्रिक उपाधि जितेको थियो । अघिल्लो सिजन लिभरपुल च्याम्पियन बनेको थियो ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.