काठमाडौं (हाम्रो खेलकुद) – आइएसकेयु इन्टरनेशनल अनलाइन कराते काता च्याम्पियनसिपमा नेपालले थप चार पदक थप्न सफल भएको छ ।
इन्टरनेशनल सोतोकान कराते युनाइटेड (आइएसकेयु) र इन्स्टिच्युट अफ सोतोकान कराते युनाईटेड (आईएसकेयु) को संयुक्त आयोजनामा भएको च्याम्पियनसिपको दोस्रो दिन नेपालले थप एक स्वर्ण, एक रजत र दुई कास्य जित्न सफल भएको हो ।
जुनियर क्याटेगोरी अन्तरगत नेपालका प्रनिल मानन्धरले स्वर्ण र सुनिल खड्काले रजत हात पारे । यस्तै लोकमान श्रेष्ठले कास्य पदक हात पारे । सोहि बिधा अन्तरगत महिलातर्फ श्रद्धा थापाले कास्य जितिन् ।
अघिल्लो दिन ४ स्वर्ण, ३ रजत र ३ कास्य सहित १० पदक जितेको नेपालले आज थप एक स्वर्ण, एक रजत र दुई कास्य सहित पदक संख्या १४ पुर्याएको छ ।
