एजेन्सी – इंग्लिस प्रिमियर लिगमा आज (बिहीबार) राति ३४औं चरणको विभिन्न तीन खेलमा प्रतिस्पर्धा हुँदैछ । प्रिमियर लिगको शीर्ष चारको दौडमा रहेको म्यानचेस्टर युनाइटेडले एस्टन भिल्लासँग प्रतिस्पर्धा गर्दा एएफसी बर्नमाउथ र टोटेनहम हस्टपर तथा एभर्टन र साउथह्याम्पनबीच पनि आज राति नै प्रतिस्पर्धा हुँदैछ ।

युनाइटेड र एस्टन भिल्लाबीचको खेल भिल्लोको मैदानमा नेपाली समय अनुसार राति १ बजे सुरु हुनेछ । घरेलु टोलीविरुद्ध मैदान उत्रदा युनाइटेड जित निकाल्दै शीर्ष चार टोलिसँगको अंक दुरी छोट्याउने योजनामा हुनेछ । पाँचौं स्थानको युनाइटेडको ५५ अंक रहेको छ । चौथो स्थानको लेस्टर सिटीको ५९ तथा तेस्रो स्थानको चेल्सीको ६० अंक रहेको छ ।

भिल्लामाथि जित हात पारे युनाइटेडले तेस्रो स्थानको चेल्सीसँग २ अंकको तथा चौथो स्थानको लेस्टरसँगको अंक दुरी १ मा छोट्याउनेछ । पल पोग्बा, ब्रुनो फर्नान्डेज, मासन ग्रीनवुड, एन्थोनी मार्सियल, मार्कुस रासफोर्ड र नेमान्जा माटिकजस्ता नाम चलेका खेलाडीको युनाइटेडलाई साथ छ । अर्काे सिजनको च्याम्पियन्स लिग खेल्ने योजनामा रहेको बनाएको युनाइटेडलाई घरेलु टिमविरुद्ध जित निकाल्नै पर्ने दबाब रहेको छ ।

एस्टन भिल्ला पनि घरेलु मैदानमा युनाइटेडलाई हराएर रेलिगेसन क्षेत्रबाट माथि उक्लन चाहन्छ । एस्टन भिल्ला २७ अंक जोडेर रेलिगेसन क्षेत्रको १८औं स्थानमा छ ।

अन्य खेल

बर्नमाउथविरुद्ध टोटनहम (राति १०ः४५ बजे)

एभर्टनविरुद्ध साउथह्याम्पटन (राति १०ः४५ बजे)