काठमाडौं (हाम्रो खेलकुद) – गत चैतमा नेपाली ब्याडमिन्टन टोलीलाई प्रशिक्षण दिन आएका कोरियन प्रशिक्षक चोइ सिउन कुकले वरीयताका खेलाडीसँगै जुनियर टोलीलाई पनि प्रशिक्षण दिन थालेका छन् ।
प्रशिक्षक कुकले सोमबारदेखि वरीयताका खेलाडीसँगै जुनियर टोलीलाई पनि प्रशिक्षणको समय छुट्याएका हुन् । नेपालमा लकडाउन खुकुलो भएसँगै नेपाल ब्याडमिन्टन संघले राष्ट्रिय खेलकुद परिषदको स्वीकृति लिई असार दोस्रो सातादेखि शिक्षक भौतिक दुरी अवलम्वन गर्नुका साथै सुरक्षित हुने उपायहरु अवलम्वन गरी प्रशिक्षण गरिरहेका छन् ।
प्रशिक्षक चोइ सिउन कुकलेले जुनियर टोलीलाई झन्डै एक घन्टा प्रशिक्षण दिएका छन् । त्यसपछि उनले वरीयताका टोलीलाई प्रशिक्षण दिनेछन् । जुनियर टोलीमा १० जनाभन्दा बढी खेलाडी छन् । यो संख्या बढ्न सक्नेछ । कोरियामा उत्कृष्ट प्रशिक्षकको सुचीमा रहेको प्रशिक्षक चोइ त्यहाँको राष्ट्रिय टोलीका समेत प्रशिक्षक हुन् ।
