धादिङ (हाम्रो खेलकुद) – सविन तामाङ र बबिता पुरी जिल्ला स्तरीय प्रथम मेयर कप खुल्ला ब्याडमिन्टन प्रतियोगिताको च्याम्पियन बनेको छ ।

धादिङबेसीस्थित कर्भडहलमा आइतबार भएको फाइनमा सविन पुरुष एकलतर्फ तथा बबिता महिला एकलतर्फ च्याम्पियन बनेका हुन् ।

सविनले फाइनलमा पोषण चौधरीको चुनौती पन्छाउदा बबिताले रेखा अधिकारीलाई हराइन् । उपाधिसँगै सविनले ३० हजार रुपैया हात पारे । दोस्रो भएको पोषणले २० हजार तथा तेस्रो भएको रामकुमार श्रेष्ठ र लाक्पा तेन्जिङले समान १२ हजार पाए ।

महिला एकलतर्फको विजेताले बबिताले १२ हजार रुपैया हात पारिन् । दोस्रो भएको रेखाले ७ हजार तथा तेस्रो भएको रविना थापा र सरला तामाङले समान ५ हजार पाए ।

• 

पुरुष युगलतर्फ सविन तामाङ र राजेन्द्र अधिकारीको जोडीले लिला कान्त र दुर्गा शाहीको टिमलाई पराजित गर्दै उपाधि हात पारे । यो जोडीले ३५ हजार रुपैया जिते ।

दोस्रो भएको लिला कान्त र दुर्गा शाहीको जोडीले २४ हजार तथा तेस्रो भएको लक्ष्मी कुमार श्रेष्ठ, रामकुमार श्रेष्ठ र विनोद लम्साल, कृष्णकुमार श्रेष्ठको जोडीले समान १५ हजार रुपैया हात पारे ।

यु–१७ पुरुष एकलमा सलिन तामाङ च्याम्पियन बने । उनले जेनिश आमत्यलाई हराए । उपाधिसँगै सलिनले १५ हजार पाए । जेनिशले ८ हजार रुपैया तथा तेस्रो भएको निर्दिष्ट अधिकारी र आयुष क्षेत्रीले समान ५ हजार पाए ।

४५ वर्षमाथिको भेन्ट्रान्स पुरुष एकलतर्फ गणेश कुमार श्रेष्ठ र कृष्ण कुमार श्रेष्ठको जोडीले राजेन्द्र अधिकारी र राममणि मिश्रको जोडीलाई हराउदै उपाधि जिते । दोर्णनाथ सेढाई र रामशरण श्रेष्ठ, उदयबहादुर थापा र पुष्पराज उप्रेतीको जोडी तेस्रो भए । विजेताले ३० हजार, दोस्रो ले २० हजार र तेस्रो भएको जोडीले समान १२ हजार रुपैया पाए ।

अफिसर्स युगलतर्फ नीलकण्ठ नगरपालिका प्रमुख भिम प्रसाद ढुङ्गाना र दुर्गा शाहीको जोडी पहिलो भए । यो जोडीले रमेश अर्याल र सुमन सेढाईको जोडीलाई हराए ।

लिलाकान्त विक र तुलबहादुर थापा र हरि पाटामगर र ज्ञान नारायण श्रेष्ठको जोडी तेस्रो भए । पहिलो भएको जोडीले १५ हजार, दोस्रोले १० हजार र तेस्रो भएको जोडीले समान ८ हजार रुपैया पाए ।

पालिका अन्तरगत पुरुष युगल बी विधामा टेक गुरुङ र इश्वर थापामगरको जोडी पहिलो हुदै २० हजार रुपैया हात पारे । दोस्रो भएको पोषण चौधरी र भिषण कुमार श्रेष्ठको जोडीले १४ हजार रुपैया जिते ।

तेस्रो भएको जोडी विनोद लम्साल र राममणि मिश्र, लक्ष्मण मल्ल ठकुरी र भिमसेन थापाको जोडीले समान ८ हजार रुपैया पाए ।

नगरपालिका अन्तरगत पुरुष युगल सी विधामा दिनेश तिमल्सिना र रमेश कोइराला पहिलो हुदै १५ हजार रुपैया हात पारे । दोस्रो भएको अर्जुन कुमार श्रेष्ठ र सोनीग्याम्बा तामाङको जोडीले १० हजार तथा तेस्रो भएको रामबाबु अधिकारी, राजेन्द्र कुँवर र रामजी अधिकारी, राजकुमार श्रेष्ठको जोडीले समान ८ हजार पाए ।

धादिङ जिल्ला ब्याडमिन्टन संघको आयोजना, निलकन्ठ नगरपालिकाको प्रावधान तथा नेपाल ब्याडमिन्टन संघको प्राविधिक सहयोगमा भएको प्रतियोगितामा विभिन्न ८ विधा समावेश गरिएको प्रतियोगिता गत शुक्रबारबाट शुरु भएको थियो ।

योनेक्स सनराइजको नेपालका लागि आधिकारिक बिक्रेता इनास इन्टरप्राइजेजका प्रोपाइटर राजु बास्तोलाले प्रोत्साहनस्वरुप यु-१९ का ब्वाइजका दुइ र गल्सका दुइ खेलाडीलाइ योनेक्सको र्याकेट र टिसर्ट प्रदान गरेका थिए ।