default_image

3 years ago

January 16, 2021

सुरोज र पविनको जोडी फाइनलमा

सिरहा (हाम्रो खेलकुद) – विभागीय त्रिभुवन आर्मी क्लबका सुरोज महर्जन र पविन लिनथेपले सनसनीपुर्ण प्रदर्शन गर्दै सिरहामा जारी १०औं संस्करणको योनेक्स सनराईज पुष्पलाल स्मृति राष्ट्रिय र्‍याङकिङ ब्याडमिन्टन प्रतियोगिताको पुरुष डबल्सको फाइनलमा प्रवेश गरेका छन् । क्वाटरफाइनलमा एपिएफका दिपेश धामी र बिजित थापामगरको जोडीलाई पराजित गर्दै सनसनी मच्चाएको महर्जनको जोडीले सेमिफाइनलमा सेनाकै प्रफुल महर्जन र रुकेश […]

41 views

0 Bookmark

सिरहा (हाम्रो खेलकुद) – विभागीय त्रिभुवन आर्मी क्लबका सुरोज महर्जन र पविन लिनथेपले सनसनीपुर्ण प्रदर्शन गर्दै सिरहामा जारी १०औं संस्करणको योनेक्स सनराईज पुष्पलाल स्मृति राष्ट्रिय र्‍याङकिङ ब्याडमिन्टन प्रतियोगिताको पुरुष डबल्सको फाइनलमा प्रवेश गरेका छन् ।

क्वाटरफाइनलमा एपिएफका दिपेश धामी र बिजित थापामगरको जोडीलाई पराजित गर्दै सनसनी मच्चाएको महर्जनको जोडीले सेमिफाइनलमा सेनाकै प्रफुल महर्जन र रुकेश महर्जनको जोडीमाथि १८–२१, २१–१५ र २१–१३ को सेटमा जित निकाल्दै उपाधि नजिक पुगेको हो ।

अब यि जोडीले उपाधिका लागि सेनाकै रत्नजित तामाङ र नविन श्रेष्ठको जोडीसँग प्रतिस्पर्धा गर्नेछ । फाइनल आइतबार हुनेछ । रत्न र नविनको जोडीले बाँकेका ईरफान अन्सारी र धादिङका सुदीप सेंढाईको जोडीमाथि २१–१० र २१–१६ को जित निकालेको हो ।

शीर्ष १६ वरीयता बाहेकको पुरुष एकलमा कैलालीका देवराज राना र सेनाका दिवश शंकर फाइनलमा भिड्नेछन् । देवराजले सेनाका डेभिड थापामगरलाई २४–२२ र २१–१८ को सेटमा जित निकाल्दै फाइनलमा स्थान बनाए । शंकरले एपिएफका भेट्रान खेलाडी ईन्द्र बहादुर महतालाई २१–६ र २१–१२ को सेटमा पराजित गर्दै फाइनल यात्रा पक्का गरे ।

यस्तै महिलाको शीर्ष १२ वरीयता बाहेकको एकल प्रतिस्पर्धामा कैलालीकी प्राथना देउवाले बिराट ब्याडमिन्टन क्लबकी रोज पाण्डेलाई २१–१२, २०–२२ र २१–१९ को सेटमा पाखा लगाईन् । अब देउवाले उपाधिका लागि झापाकी अञ्जना राईको सामना गर्नेछिन् । अन्जनाले एपिएफकी प्रक्षा राईलाई २१–१३ र २१–११ ले पराजित गरिन् ।

ब्वाईज यु–१७ एकलमा सेनाका भोज बहादुर गुरुङ र आयुष्मान नागरी फाइनलमा भिड्नेछन् । भोजले पाँचथरका एशिया जवेगुलाई २१–१४, १४–२१ र २१–१४ले तथा आयुष्मानले १७–२१, २१–१९ र २१–१७ ले पराजित गरे ।

गल्स यु–१७ मा राष्टिय च्याम्पियन सेनाकी रशिला महर्जनले कैलालीका एलिना तिरवालाई २१–३ र २१–१ को एकपक्षीय जित निकाल्दै फाइनलमा स्थान बनाइन् । रशिलाले उपाधीका लागि बिराट ब्याडमिन्टन क्लबकी रोज पाण्डेको सामना गर्नेछिन् । रोजले कैलालीकी प्राथना देउवालाई २१–१८ र २१–१९ को सोझो सेटमा पराजित गरिन् ।

यस्तै भेट्रान्स डबल्समा राष्ट्रिय खेलकुद (राखेप) को सदस्यसमेत रहेका सुभास श्रेष्ठ र पुर्व राष्ट्रिय खेलाडी बाँकेका अनिल लाखेको जोडी फाइनलमा प्रवेश गरेका छन् । यो जोडीले पाल्पाका बसन्त लाल बज्राचार्य र महेशमान बज्राचार्यको जोडीलाई २१–१५ र २१–१७ को सोझो सेटमा हराए ।

यो जोडीले अब उपाधिका लागि आइतबार पोखराका शोभाकर भण्डारी र नविन पराजुलीको जोडीसँग प्रतिस्पर्धा गर्नेछ । सुभास भेट्रान्स डबल्सको राष्ट्रिय च्याम्पियन हुन् । उनी करिव तीन वर्षपछि कोर्टमा प्रवेश गरेका हुन् । उनको जोडी अनिल लाखे साग गेम्सका कास्यपदक विजेता सदस्य हुन् । उनी करिव १२ वर्षपछि कोर्टमा फर्किएका हुन् ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.