काठमाडौं (हाम्रो खेलकुद) – तामाङ दिदीभाई रत्नजित तामाङ र नङ्सलदेवी तामाङ राष्ट्रिय खेलाडीको नयाँ वरीयतामा शीर्षस्थानमा यथावत रहेका छन् ।

नेपाल ब्याडमिन्टन संघले सार्वजनिक गरेको नयाँ वरीयताअनुसार रत्नजित पुरुष एकलमा तथा नङ्सल महिला एकलको शीर्षस्थानमा यथावत रहेका हुन् ।

वरीयताको शीर्षस्थानमा रहेको नेपाली सेनाका रत्नजितको २५३४५ अंक रहेको छ । दोस्रो स्थानमा रहेको एपिएफका दिपेश धामीको २२३२० अंक रहेको छ । तेस्रो स्थानमा रहेका भोजपुरका बिकास श्रेष्ठको १७४६५ अंक तथा चौथो स्थानमा रहेको साजनकृष्ण ताम्राकारको १५८३० अंक रहेको छ । पाँचौ स्थानमा रहेको बिष्णु कटुवालको १४०२५ अंक रहेको छ ।

छैटौंमा सुदिप सेढाई, सातौमा दीपक बोहोरा, आठौंमा नवीन श्रेष्ठ र नवौंमा युवा स्टार प्रिन्स दाहाल रहेका छन् । बिजित थापामगर १०औं स्थानमा अटाएको छ । ११औं स्थानमा प्रफुल महर्जन, १२औंमा जीवन आचार्य, १३औंमा गौतम कठायत, १४औंमा रुकेश महर्जन र १५औं स्थानमा सुनिल जोशी रहेका छन् । यस्तै १६औं स्थानमा इरफान अन्सारी, १७औंमा सुमन लिम्बु, १८औंमा विवेक श्रेष्ठ, १९औं मा पविन लिङ्थेप र २०औंमा बिलाल वार्सी रहेका छन् ।

महिला एकलमा सेनाकी नङ्सलदेवी तामाङले १६४७० अंक जोडेर शीर्षस्थानमा यथावत रहेकी छन् । सेनाकै अमिता गिरी दोस्रो स्थानमा रहँदा सेनाकै अनुमाया राई र रसिला महर्जन शीर्ष पाँचमा रहेका छन् ।

एपिएफकी जेसिका गुरुङ, शोभा गौचन, सुनैना मुखिया, भोजपुरकी सीता राई, बाँकेकी सम्झना शर्मा र मोरङकी सीमा राजवंशी शीर्ष १० भित्र अटाएकी छन् । यस्तै नीता लम्साल, रन्जना भाट, मनिषा खड्का, तारा आले, सुलोचना भक्तराज, साफी खत्री, प्राथना देउवा, स्मृति राई, रोज पाण्डे र गंगा विष्ट शीर्ष २० मा अटाएकी छन् ।

यु–१७ ब्वाइजमा कैलालीका अमृत चौधरी शीर्षस्थानमा रहेका छन् । भोज बहादुर गुरुङ, नरेन्द्र बम, रोहित बराल र हिमाल चन्द शीर्ष पाँचभित्र रहेका छन् । सुरज गुप्ता, अनिष खतिवडा, जेवी साउद, सफिक इद्रिस, हिमांसु कुँवर, प्रकाश चन्द, एसिया जवेगु, डेभिड थापामगर, बिवेक चौधरी, सत्यम सुब्बा, सन्जीव भण्डारी, सुधन तामाङ, उज्वल पोखरेल, सफल थापा र क्षितिज केसी शीर्ष २० भित्र रहेका छन् ।

यु–१७ गल्समा रशिला महर्जन, रोज पाण्डे, रन्जना भाट, अन्जना राई र एरिना तिलुवा शीर्ष पाँचमा रहेका छन् । प्रार्थन देउवा, स्मृपत राई, विष्णा बिस्ट, करिश्मा बज्राचार्य, अनुष न्यौपाने, शम्भवी पालक, विद्या खड्का, निता लम्साल, काजल बर्मा, पुष्पा शाही, सामना भट्टराई, अमिता सुनार, एलिना श्रेष्ठ, दिया शाक्य र डोमिना केसी शीर्ष २० मा रहेका छन् ।

पुरुष डबल्समा दिपेश धामी र बिजित थापामगरको जोडी शीर्षस्थानमा यथावत रहँदा रत्नजित तामाङ र नवीन श्रेष्ठको जोडी दोस्रो स्थानमा रहेका छन् । सुरोज महर्जन र प्रफुल महर्जनको जोडी तेस्रो, साजन कृष्ण ताम्राकार र सुदिप सेढाईको जोडी चौथो तथा इरफान अन्सारी र रियाज अन्सारीको जोर्डी शीर्ष पाँचौ वरीयतामा रहेका छन् ।

महिला डबल्समा पुजा श्रेष्ठ र जेसिका गुरुङको जोडी शीर्ष वरीयतामा यथावत छन् । नङ्सलदेवी र अनुमाया राईको जोडी दोस्रो वरीयतामा रहेका छन् । अमिता गिरी र रशिला महर्जनको जोडी तेस्रो, जेसिका गुरुङ र सुनैना मुखियाको जोडी चौथो तथा ज्योति लिम्बु र डिना पुनको जोडी शीर्ष पाँचौ वरीयतामा रहेका छन् ।

मिक्स डबल्समा दिपेश धामी र पुजा श्रेष्ठ शीर्ष वरीयतामा यथावत रहँदा विजित थापा मगर र शोभा गौचनको जोडी दोस्रोमा रहेका छन् । सुरोज महर्जन र अमिता गिरीको जोडी तेस्रो तथा रत्नजित र नङ्सलदेवीको जोडी चौथो स्थानमा रहँदा बिकास श्रेष्ठ र सीता राईको जोडी पाँचौ वरीयतमामा रहेका छन् ।

संघले राष्ट्रिय प्रतियोगिता तथा ब्याडमिन्टन संघले मान्यता दिएको ‘क’ श्रेणीको प्रतियोगितामा गरेको प्रदर्शनका आधारमा खेलाडीको वरीयता निर्धारण गर्दै आएको छ ।